[الأمورة بسوم]

.
.

إذا تبي نلعب سـوى لعبـة شمـوخ وكبريـاء
أوكيه..بلعبها معك لكـن بنـص المستـوى
xxx

وإذا تبي نلعب عبـث بـأرواح نـاس أبريـاء
لازم تخاف اللي قوى عبده..إذا جـار وقـوى
xxx

المسألة ما هي هـوى..و إلا عـوى و إلا دهـاء
المسألة..نية خفا داخل ضميـر اللـي نـوى
xxx

وإذا الإساءة عبرت يا سيدي عن مـن أسـاء

أجل نتيجتها كذا و إلا كذا صـارت سـوى
xxx

إحساسك اللي تصنعه أشوفـه بعينـي غبـاء

الجرح ينزف والبلا ما عـاد نلقـى لـه دوى
xxx

دام الخليـة تعتبـر يا آسـري وحـدة بنـاء

أبيك تذكر لي اسم وحـدة بنائـك للهوى
xxx

صنعت ثوب من الجفا وأحسنت في صنع الرداء

شكلك تظن المسألة حسب مفاهيمك غـوى
xxx

لكن إذا لم تستحي فأصنـع إذآ كمـا تشـاء

تشوفني ميت ظمأ وأشوف غيري بـك روى
xxx

أحيان أناديك وتجي نجلس سوى ساعة صفـاء
وأحيان أشوفك تحتوي فرقاي ضمن المحتوى‏
xxx

الله يعين المبتلي مهمـا يكـن حجـم البـلاء

وأنا ابتليت وقصتي بالحـب ملعونـة ثـوى
xxx

عط الغلا للي تبـي وأجـزل بمـدك للعطـاء

وإذا تحسبني بحاجتك يا هاجري مالك لـوى
xxx

أحسنت لك مير البلا..جازيتني خيـر الجـزاء

بنيت لك في داخلي قصر مـن الـود وخـوى
xxx

قصة غرابيـل ومضـت أديتهـا خيـر الأداء

و ذيب الغرام بداخلي من زود طعناتك عوى
xxx

لا عاد تبكيني نـدم ما عـاد ينفعـك البكـاء

صرح الهوى في داخلي من هول تعذيبك هوى