[الأمورة بسوم]

قصة ام مبكية في لقاء عاابر كانت هذه الام في دار المسنين العيدالماضي و المقدم يسالها عن ابنائها فتقول ضميري لايسمح لي ان ازعل عليهم , قالتها رغم الغصة في صوتها ... اللهم اجعلنا من الباارين و اللهم تهدي كل عاااق لوااالديه , اللهم اجعلنا ممن يبرون بهم ابنائهم .


.... استاذنكم بطرح القصيدة .....








كل عام و انت بخير من أم تغليـك
من دارها تاتيـك (دار المسنيـن)

رغم القسى الممقوت قالت: بهنيـك
وأهني احفادي الصغار المساكيـن

بمناسبة هالعيـد و اللـي يخليـك
تعال عندي انت .. معك البزاريـن

مابيك .. تاخذني الى البيت.. مابيك
ابيكـم شويّـة دقايـق ..قريبيـن

خبيت لعيالـك حـلاوة مـعَ كيـك
خبيت لك أشواق في وجهي تبيـن

على الشفايا بسمتـي لـك تناديـك
بقول لاحزاني اذا جيـت ..بعديـن

لاتظن دمعاتي قهـر لـو بلاقيـك
لا يااولدي ..أمك ..تحبك من سنين

تطيح دمعاتي فرح يوم انا ابكيـك
الاّ انت لا مااتطيح من داخل العين

و ان كان بُعدي ياضنا الروح يكفيك
امك يكفيهـا تجـي كـل عيديـن

بس خايفة من شي .. (الله يكافيك)
(أموت) ما شوفك (بدار المسنيـن)