السلام عليكم ورحمة الله وبركاته
اختي ان شاء الله يارب تحولي انتظاااام السنه الجايه وتجيبي معدل مرتفع قولي امين
بالنسبه للتخصصات في الانتساب عندنا حاله حال الشباب مافي تخصص الا
ادارة اعمال
او
ادارة عامه
ادارة الاعمال فيها مسارات مثلا زي االموارد البشريه نظم المعلومات الاداريه التسويق
هادا القسم مرررررة له مستقبل بإذن الله واسع لأنه مجالاته اكثر في سوق العمل
كمان حتى صعوبته تكمن في انك ماتفوتي محاضراتك وتزاكري اول بأول (صحيح كل الاقسام يبغالها كدا بس يعني لأنو قسم احس انو يعتمد ع الفهم بعكس الادارة العامه )
بالنسبه للادارة العامه الي هوا قسمي فيله كمان مسارين هما التنظيم والتطوير الاداري و ادارة المستشفيات
انا عن متخصصه ادارة مستشفيات
القسم مرررة حلووو فوق ما اقلك مرة حلو انا كنت ناوية ادارة اعمال لكن لما شفت انو القسم دا حلو ويتناسب مع طموحي قررت اني اكمل فيه بتوفيق من الله
ااامم القسم دا مو صعب بس يعتمد اكثر شي ع الحفظ (هلكنا من الحفظ :(
يعني انتي شوفي فين ابداعك اكثررر؟؟ وطموحك واهدافك المستقبليه ؟؟
ازا انك شاطرة في الفهم وعندك درجات حلوة في التحليل الكمي والاحصائي ودا الكلام انصحك بادراة الاعمال
ازاانك شاطرة في الحفظ وعندك مقدرة عليه انصحك بالادارة العامه
واولا واخيررراااا كللللللهم سهله القسمين ما يحتاجو الا المذاكرة :)
وبالتووووووووفيق لك يارب
|