[أبو رضا]

المشاركة الأصلية كتبت بواسطة فهد الوثلان السلام عليكم ورحمة الله وبركاته ودنا نسال اخواننا اللي يدرسون حاليا ماجستير محاسبه مهنيه عن اشياء وودي من اخواني اللي مسجلين هذا العام وعنده بعض الاستفسارات ان يطرحها هنا والاخوان يجاوبون عليها .. استفساراتي : 1- طبيعه الدراسه سهله ام صعبه 2-بالنسبة للتنقلات لاني من المنطقه الشرقيه وعن السكن في جده لان الرحلات راح تكون الاربعاء والعوده الجمعه حسب الدراسة وهذا وقت ذرووه 3-بالنسبه للمكرمه هل سبق ان صار فيه مكرمه بالنسبة للرسوم هذا ما عندي الان والباقي جاي ان شاء الله والله يكتب لنا ولكم القبول دنيا واخره

.......
حاضرين لكل أستفساراتكم أخواني .....
مثل ماتعرفون نهاية ترم والدخول على المنتدى محدود هاذي الايام خصوصا انه جاية ايام امتحانات

بالنسبة لطبيعة الدراسة ، مافي شئ سهل ، ولا في شئ صعب بالجد والاجتهاد ، يعني لو تعبت راح تحصل اللي تبيه ، بس بشكل عام تحتاج الدراسة إلى مجهود مو سهل ، وحلاوة الدراسة بتعبتها .

بالنسبة للتنقلات أنا كمان من المنطقة الشرقية ، و أروح لجدة كل اربعاء الصباح وارجع مساء الجمعة طبعا اسبوع واسبوع لا ، ولازم تضبط حجوزاتك من بداية الترم كاملة لأن الحجوزات اذا ما تضبطها من البداية راح تورط .
بالنسبة للسكن فأنا ساكن مع شباب معارفي في سكنهم وهم يدرسون انتظام بالجامعة (بكالوريوس)، وانت بامكانك تستأجر شقة مفروشة كل مرة تروح في حدود 90 ريال وافضل شئ قريب للجامعة درة المقري بالسليمانية هذا حسب معلوماتي
وطبعا استأجر سيارة من المطار لمدة يومين علشان التنقلات برضه بسعر يتراوح من 80 - 100 ريال

بالنسبة للمكرمة الدراسة حاليا مجانا الى ان تلغى المكرمة وهذا شئ مستبعد حاليا على الاقل .



بالنسبة للأخت اللي سألت عن الدراسة فالدراسة باللغة العربية الا ماندر من المصطلحات .


انا في خدمة جميع الاعضاء ...
ولكم تحياتي .