تذاكري القاعدات وتفهميها لانه اذا فهمتي القاعدة تمام راح تطبقي صح
واهم حاجة تركزي في الحل وراجعي حلك اكثر من مرررة
راح اشرحها لك
نأخذ اول حالة الجمع:
لما تجي تجمعي مقدار ومقدار لازم تنتبهي للاشارة اللي بين المقدارين اما تكون جمع او طرح
راح اشرح الجمع وبعدين الطرح
اذا كانت الاشارة جمع بين المقدارين فتدخلين اشارة الجمع في المقدار الثاني وبعدين تجمعين المعاملات اللي لها الاس نفسه
حالة الطرح : نفس فكرة الجمع تدخلي اشارة الطرح في المقدار الثاني وتطرحي المعاملات اللي لها الاس نفسه
حالة الضرب:
1- ضرب عدد ثابت بمقدار جبري : تدخلي العدد الثابت في القوس بحيث انك تضربي كل معامل داخل القوس بالعدد الثابت
2- ضرب مقدار جبري بمقدار جبري اخر :
مثال (2x+5 (3x+6x^2
الحل راح تضربي كل عدد في كل عدد داخل القوس
=6x^2 +12x^3 + 15x+30x^2
لاحظتي اني ضربت كل من 2x و 5 في كل عدد داخل القوس وراعيت الاشارة وملاحظة مهمة جدا انه فقط في الضرب تجمعي الاسس اما القسمة فنطرح الاسس
اما حالة الجمع فنجمع معاملات الاسس المتشابهه من دون ما نغير الاس يعني الاس زي ماهو ينزل بس نجمع المعامل فقط وكمان نفس الشيء في الطرح
حــــــــــالة القسمة : يكون البسط مقدار جبري والمقام ايضا مقدار جبري
ولحل المسائل في حالة القسمة نوزع المقام على البسط
مع مراعاة طرح الاسس
اتمنى انه يكوون شرحي وااااضح
تحياااااااتي
