السلام عليكم ورحمه الله وبركاته
الله لا يحد احد في الموقف الي سار معايا اليوم...
اليوم وانا بداكر فجئه على الساعه 6 الا ربع وكنت ناويه اقوم البس واستعد للاختبار الي يجيني الخبر الي ما حسبت حسااابوو
اتخيلو اكتشفت انو الماده الي اداكرها مو هيا اختباري اليوم
وربي كان شويا وقلبي راح يوقف وقلت امكن فيشي غلط وقمت اتاكدت طلع الي كنت خايفه منو سار
انا مني عارفه فين الغلط
بس والله اعلم انو الجدول الاول كان اول يوم رياضيات ويوم الاتنين انقليش
وفي الجدول الجديد انعكسووو وانا ما ادري
بصراحه انا ما جاه على بالي وبدات انو بعد ما طلع الجدول شلت الاب توب وطلعت كتبي وقعت الداكر على اسال الجدول الاولاني
والمصيبه انو قلت مو مشكله اروح واجرب حظي امكن اجيب شي واروح لو اخد 60 ولا تنحطلي f
بس للاسف حتى ده مانفع لانو الاختبار قد راح لانو الوقت اتغير وخلصو الناس من 4
وربي ياااانااااااااااااس في قلبي قهر الدنيا دي كلها
عارفين لو انو ما دكرت ولا اني كنت مستهتره كان وربي قلت استاهل وهدا عقابي
بس ربي قطعت نفسي مداكره
والله اني باموت بكى وقهر
الله يخليكم قولولي ايش اعمل الله يسعدكم قولولي ادا في شي ممكن اعملوو
مع تحياتي