[الـتـمـيـمـي]

فلوووور .. قناة بوليوود الهنديه تبي تسوي معك لقاء

والظاهر انهم ناوين ياخذون سيناريو وقصة هالموضوع عشان يسوونه فيلم

الشعب كله قام يبكي

وفيه واحد دخل الموضوع ومن ضيقة الصدر اللي فيه طمر من الدور السابع والثمانين بس ما جاه شي لأنه طاح على قوطي صلصه وتعلق بالقوطي قبل ياصل للأرض

وفيه وحده ثانيه دخلت الموضوع ومن شدة تأثرها شنقت نفسها بحبل الين انقطع نفسها وبعد 5 ساعات دخلوا عليها اهلها وشالوا الحبل من رقبتها وصحت وقامت مثل الحصان مافيها اي شي .. لأن الحبل اللي كانت حاطته مصنوع من قطن وناعم جدا وما يأثر على الجلد

وفيه مراقب بالمنتدى دخل على الموضوع وكسر جهازه اللاب توب قطعه قطعه من شدة الألم والحسرة لحظتها وطلع للإستراحه .. وبعد ما رجع للبيت ودخل غرفته حصل اللاب توب سليم ومافيه اي شي وأول ما رعص ( ضغط ) على زر التشغيل وقبل يدخل على سطح المكتب طلع له مسج من اللاب توب مكتوب فيه ( انا سامحتك هالمره لكن لا تعيدها ترا مالي دخل انا يابو الشباب تكسر الدنيا على راسي )

وفيه وحده بعد دخلت على هالموضوع وجلست تبكي تبكي تبكي وفجأه دخلت عليها خدامتهم وجلست تحاول تقول للبنت شفيك ليه تبكين بس ما ردت عليها البنت لأنها كانت منهاره .. فالخدامه هذي طلعت شقرديه وقالت خلني اشيك على اخر شي شافته البنت بالنت عشان اعرف السبب .. ودخلت الخدامه على موضوعك ويوم شافت الدعوه تسذا .. حلفت بالله وبالطلاق بعد .. انها تسجل في جامعة الملك عبدالعزيز انتساب

يا مال العافيه لتس ولكل من مر فيذا وعبر عن شعوره ومشاعره وشعاريره وقشعريرته وشعيريه ومكرونه بالبشاميل