[د.كيــف]

بين القبايل شاع ذكره وصيتــه
لجله غني ويملك الجاهـ والمال

قالوا تهني صرتـي شمعـه لبيتــه
وصاحوا علي يابنت مامثله ازوال

قلت العفو لو هو ذهــب ماخذيتـه
انا الغلا في داخلي قيمـة ارجـال

اللي بدون افعـال لا مابغيتـــــــه
المسأله في بعضها ثوب وعقال

المرجله لاهــي بجاه دريتــــــــــه
ولا بتصنيف العزايم والامثــــــال
,,,,,
يــابوي مـن قدي ونـا لك وفيتــه
المهره اللي جبتها بنت رجــــآل

لو يعتلي روس النشـامي رقيتـــــه
ينحني له صبر ويرسي له اجبـال

لا واهني من هـو تكدر وجيتــــــــه
عز الله ان الجرح يبرى وينـــــزال

مـاكـل من يعشـق صفاتــي عطيته
ولاكل من طب الميادين خيـــــــال

ولو يمدحونه للملا ماهويتــــــــــــه
لجل الغلا في داخلي قيمـة ارجال

الشـآعـرهـ / تذكـآر الخثـلان ..