[ااااه يا جامعة الملك سعود]

المشاركة الأصلية كتبت بواسطة يلدرم حبيت اوضح نقطة ذكرتها ان بعض الشركات زي ارامكو وغيرها ماتوظف غير جامعتين البترول والملك سعود صراحة ليا اصحاب كثييييييييييير من جامعتنا في ارامكو وسابك والاتصالات ياشيخ اعرف انتساب ويشتغلو في الاتصالات ثانيا نجي لكلية الهندسة معروووف ان كلية الهندسة في البترول وعندنا الكليتين الوحيدتين في السعودية اللي حصلو على الاعتراف الاكاديمي من امريكا ممثله فيabet نجي لكلية طب الاسنان نفس الشئ حصلت على الاعتراف الاكاديمي وكلية علم الارض كذلك طبعا علوم البحار كلية لا توجد في جامعة الملك سعود وتخصص الهندسة الحرارية وتقنية تحلية المياه وهو تخصص هندسي لايوجد الا في جامعتنا وانا خريج هذا القسم يعنى الجامعات الاخرى ماتدرس ولا مادة عن تحلية المياه الا عندنا وكمان هندسة نووية والطيران والتعدين , والهندسة الطبية وكلية علم الارض وكلية الارصاد على فكرة اوضح لك نقطة وهيا عن نقطة نوبل تعرف انو اي جامعة ممكن تستقبل اي دكتور ويعطي كم محاضرة ويمشي انا سألت دكتور وقال لي دا الكلام يعنى مايعتبر انجاز

السلام عليكم ورحمة الله وبركاته
كيفك يا أخ يلدرم أنا راح أرد عليك بكل نقطه قلتها
من ناحية التوضيف في القطاعات الي ذكرتها أخوي متخرج من كلية العلوم قسم حاسبات قبل 4 سنوات
من عندكم -أيامها حنا كانت عندنا كليه مستقله للحاسب من عام 1401 هجري متأسسه- وكان معدله حول 4 راح لارامكو وسابك وكنت معاه قالوله حنا ما نوظف الا خريجي البترول والملك سعود أو طالب معاه شهاده من جاااامعه معترف فيها عالميا ومن بعد هذي اللحظه حبيت جامعة الملك سعود ويمكن الي تعرفهم متوظفين يا من زمااان أو معاهم واااسطه.
من ناحية الاعتراف الي قلته لبعض كلياتكم ممكن تعطيني رااابط على النت أو دليل قاطع يثبت كلامك-لا تحسبني أكذبك بس من باب التأكد-.
نجي لكلية علووم البحااار عندنا قسم في كلية الزراعه أسمه الثروه البحريه والحيونيه وفي أخر سنه يحق لطالب أختيار مسارين ومنها علم البحار. لا يهمك مسمى كليه أو قسم أهم شي محتوى التدريس.
أما القسم الي قلته الي متخرج منه فهو مسار يوجد لتخصص هندسه كيمايئه وهو أختياري لطلاب.
أما تخصص الهندسه الطبيه فهو يوجد عندنا في كلية العلوم الطبيه المساعده في قسم أسمه هندسه طبيه وفي قسم أخر أسمه هندسة أجهزه طبيه كان القسمين تحت مسمى واحد بس فصلوهم قبل 4 سنوات.
أما قسم الهندسه النوويه كان موجود بس تقفل القسم -ما أعرف الاسباب-.
أما تخصص هندسة التعدين مهو موجود بس يوجد قسم في كلية العلوم الي عندنا أسمه جيوفيزياء وهو يهتم بالمعادن واستخراجها من الارض.-لا يهمك الاسم أهم شي المحتوى-.
أما كلية علم الارض فنعرف وش معناها معناها جولوجيا قسم موجود في كلية العلوم-ولو تيجي تشوف عدد طلاب القسم يسوي عدد طلاب كليتكم علم الارض.
أما الارصاد وحماية البيئه فهو مسار يوجد لطلاب قسم الجغرافيا الي يتبع لكلية الاداب.
أما تخصص الهندسه الحراريه وهندسة الطيران يوجد أكتفاء منها أو وجود تخخصات قريبه منها لان برنامج خادم الحرمين الشرفين ما يعلنو عن تخصصات موجوده في البعثات الى تلقاها في أحتياج منها لسوق العمل والهنسة الطيران والحراريه ما كانت موجوده أنا كنت داااايم أتابعها.
أما نقطة علماء نوبل أذا كنت تفكرها بسهوله ذي طيب دام مكانت جامعة الملك عبدالعزيز مرموقه وحاصله على أعترافات دوليه مثل ما تقول أنت طيب كيف راح على بال المسؤولين بلجامعه الفكره هذي؟
وسمعت اليوم غلى الاخباريه لقاء الدكتور العثمان قال فيه معلومات نسيت ما أقولها :
تعرف أن جامعة الملك سعود عندها 8 مراكز بحث في 8 دول عالميه مثل أمريكا وكندا وبريطانيا والهند في تخصصات مختلفه-مع العلم أنها تحت أشراف علماء من نوبل ودكاتره جامعات غير متفرغين.
المعلومه الثانيه أكبر ميزانيه في العالم الدول تصرفها على جامعاتهم هي المملكه العربيه السعوديه تصرفها على جامعة الملك سعود.
المعلومه الثالثه يكفيك أن الدكتور عبدالله الربيعه متخرج من جامعة الملك سعود.
المعلومه الرابعه أن جامعة الملك سعود تعتبر من أكبر 10 جامعات في العالم مساحه.
تعتبر مكتبة الامير سلمان المركزيه والتي توجد في جامعة الملك سعود ثالث أكبر مكتبه في السعوديه.