[روووني]

يعني الاسئله احسها غير شويه عن الدوريات بصراحه انا مو فاكرتها مزبوط بس بقول اللي فاكرتو

1-جب شي عن العقود الرضائيه والشكليه اعتقد السؤال كان:طبعا كلها تصحيح خطأ مع التعليل

اعتقد السؤال:معظم العقود شكليه او العقود الشكليه او سع من الرضائيه:طبعا خطأ وتكتبوا تعريف كل واحد فيهم يعني الشريحه كامله.

2-الغلط هو ايهام الشخص بغير الحقيقه:طبعا خطأ وانا كتبت تعريف الخطأ هو وهم.... وكل شي عن الخطأ

3-امتداح البضاعه المبيعه يعد تدليسا:خطا ليس تدليس اذا لم يخرج عن حدود المألوف وطبعا كملو الاجابه من الشرايح

4-جاب سؤال بس ماني فاكرتو مزبوط اعتقد انو:التدليس اذا وقع من طرف ثالث لايعتد به او حاجه زي كدا المهم الاجابه هيا

انو لايشترط ان يكون التدليس من احد اطراف العقد بل قديكون من الغير او من طرف ليس له علاقه مباشره بالعقد وتكمله الكلام اللي في الشريحه دي...

5-جاب سؤال كمان عقود المساهمه في التطوير العقاري قائمه على المضاربه ومن العقود المحرمه شرعا:
طبعا غلط وانا كتبت تعريف العقد الاحتمالي وتقسيمو وزي كدا وانو مو من العقود المحرمه وانها قائمه على المخاطره والمضاربه

6- جاب سؤال زي: اشترى شخصا من مالك العقار شقه بمبلغ 80000 ريال ثم اكتشف بان القيمه السوقيه للشقه 30000 ريال السؤال بالزبط ناسيتو
بس انا جاوبت وكتبت تعريف الغبن وانو يجب تقييم قيمه السلعه وفقا لمعايير السوق وانو هدا غبن فاحش ويرجع للي باعلو العقار وكتبت الشريحه حقت انو لو كان الغبن يسير لايعتد به لضمان استقرار المعاملات<<طبعا السؤال شبيه للي جابو في الاختبار مو نفسو بالزبط

7- جاب مثال دوخت على ماحليتو:وحده اشترت خاتم ب100000 قبل سنتين وباعتوعلى صاحبتها ب60000ريال وراحت صاحبتها عند شيخ الصاغه واخبرها بانو الحجر الكريم الي على الخاتم مزيف يني حجر صناعي وانو قيمه الخاتم تحسب على الالماس فقط وهي 18000 ريال وانو صاحبه الخاتم الاصليه ماكانت تدري بالموضوع وكاتب هذا يعد استغلالا:

طبعا خطأ وتقول انو هدا غلط لانهم االاتنين وقعوا فيه بحسن نيه وانو غلط مادي في تحديد قيمه الشيء واكتبوا تعريف الغلط وكل شي عن الغلط تعرفوه

8- السؤال تبعا الثال السابع بمامعناه <<حقولوا بالعامي

في الثال اللي قبلو الصاحبه دي قالت لصاحبتها رجعيلي فلوسي اللي هيا 60000قامت ا لصاحبه الاصليه للخاتم رفضت ترجع فلوسها وقالتلها ارجي انتي للبائع وخليه يرجعلك فلوسك لانو انا ماكنت اعرف <<فهمتوني!!!!

طبعا تكتبوا بانها المفروض ترجع فلوسها وتحليلو الموضوع وزي كدا <<<ان شاءالله احد من البنات يفيدكم في دا السؤال لاني ماافتكر ايش حليت فيه

9- بائع لعقار باع العقار للمشتريين واخبرهم بأنه كافه الخدمات متوفره مع علمه انه لاتتوفر كافه الخدمات فهذا يعد استغلالا لجهاله المشتريين:

الاجابه طبعا خطأ هذا تدليس وتكتبو كل شي تعرفوه عن التدليس من الشرايح

وبسسسسسسسس

معليش الاسئله كتبتها بالعامي لاني مااعرف بالفصحى خخخخخخ

والاختبار كان سهل بس السؤالين حق الخواتم اللي يبغالو تركيز واعتقد اسالتكم حتكون غير شويه عننا مااتوقع يجيبلكم مثال سيده اشترت خاتم يمكن يجيبلكم سيد اشترى سياره هههههه

يلا شدوا حيلكم وادعولي بليييييييييز وفالكم الاي بلس