[saka]

كيف حالك إن شاء الله دائما بخير ؟

المشاركة الأصلية كتبت بواسطة محسن125 السلام عليكم ورحمة الله وبركاته انا متخرج من كلية الطب طب بشري قبل شهر بالنسبة للموضوع عن الطب بشكل عام اقلك انو اختيارك لكلية الطب هو افضل قرار راح تتخذيه في حياتك راح تلاقي كثير من المحبطين وكل الدكاتره ح يقولولك انا لو كنت عارف ماكان دخلت طب ومش عارف ايه لكن ولا واحد منهم راح يفكر يسيب الطب بس هما الناس بتحب تصعب الأمور الموضوع اسهل مما تتصوري لو استمريتي بنفس القدر من المذاكرة اللي كنت علية وانت في التوجيهي راح تجيبي ممتاز مع مرتبة الشرف لكن اللي بيحصل انو مع نظام الجامعة كل الناس مع الحرية بتبدأ تنسى نفسها وخصوصا اذا كنت ساكنة مع ناس مو في كلية الطب ح تلاقي كل يومهم خرجات ولو جاريتيهم ما ح تقدري تستمري في الدراسة نهائيا بالنسبة للعمل وبالذات انت بنت فهو افضل مكان ممكن تشتغلي فيه وأغلب الناس اللي فيه ناس فاهمين ومحترمين ويعرفو يتعاملو مع النساء يعني ما ح تلاقي حرج في دا الشيء وطبعا الراتب بالنسبة لموظف فهو اكثر من مجزي اذا كانت حكاية الدوام طويل او انو في ناس ما يبغو يباتو بره البيت ففي تخصصات تسمح بدا الشيء بالنسبة للطب النفسي في فرق بين الطبيب النفسي والاخصائي النفسي الاخصائي يهتم بالتحليل النفسي والسلوكيات وهما دول الناس اللي بتشوفيهم في التلفزيون ومن ضمنهم الدكتور ميسرة طاهر وهو تخصص في كلية الآداب اما الطب النفسي فبيهتم بالأمراض العقلية وبيعالجها عن طريق الأدوية ويعتبر جزء من الطب الباطني لكن منفصل والدراسة فيه حسب البلد اللي ح تدرسي فيه وممكن تتخصصي في المملكة او تسافري بره نصيحتي ليك لا تختاري تخصص ولا تفكري فيه من دحين لانو لما تبدأي الدراسة وتدرسي في كل حاجة ح تقولي نفسي اكون كده لانو الدراسة جدا ممتعة والمعلومات كثيرة جدا لكن نوع ما مش مملة اذا ح تدخلي طب لازم تعرفي انو ح ياخد جزء من حياتك انا بالنسبالي كنت بذاكر 3 ايام في الاسبوع ما عدا ايام الاختبارات لكن المتوسط 3ل 4 ساعات يوميا يعني بيختلف من شخص لشخص مفتاح هادي الكلية في شيئين العمل الجاد واللغة الإنجليزية اذا تفكري في الطب حاولي في دي السنة تقوي لغتك وتدخلي كورسات انجليزي في الاجازة لانها هي المفتاح اللي ح يحللك كل المشاكل بدون انجليزي لا تفكري في الطب والغالبية اللي سابو الطب وحولو كان السبب الأساسي هو الانجليزي لكن مو معناه انو الموضوع معقد بس ع الاقل تقدري تمسكي الطريق اللي ينطبق على طب البشري ينطبق على الاسنان بس اسف للإطالة نسيت اقلك مبروك القبول

السلام عليكم ورحمة الله وبركاتة ألف مبروك د/محسن
على التخرج أراد أيميلك من أجل سؤال عن مجال القلب معليش