[سلطان زمانه]

المشاركة الأصلية كتبت بواسطة xanaza6 انا كنت اصمم لما كنت صغير, فزت اعتقد الثاني في الرسم في الدول العربيه, كنت انحت واخيط والون واكسر واسوي كل اللي تتخيلينه وانا صغير, وارسم ثلاثي الابعاد وانا قبل الروضه, معدين كبرنا وكملت الايام وماهتميت للفن وكنت اكرهه وفي الثانوي فكرت وقلت ابي معماريه, حبيت الهندسه فيه والابداع والشغل وتلبية حاجات العميل, لكن تخرجنا والناس قالو ماله مستقبل, لا تدخله وكلام كثير. دخلت ابتعاث من احدى الشركات وكنا حندرس سنه ونطلع بره. كنت حدرس تخصص هندسه ميكانيكه وكنت كل يوم اكره نفسي زياده واكثر على ضعفي اني ما ادخل اللي ابغاه, وفشلت هناك, وماقدرت ادرس, واطالع الناس اللي حققو اللي انا ابيه وانقهر واحس بالضعف, وسحبت وبعدها ضعت, ولما رجعت للواقع وشفت الامور واضحه, قلت لبوي حكمل ادرس معماريه هنا, وفي الماجستير إن شاء الله اروح بره ادرس في جامعه محترمه, والحين انا هنا ف عزوز, وقاعد اجيب 5 ودرجات عاليه قولو ماشالله و بغيت ابكي من كثر ماحسيت اني فاشل وغبي هناك ماقدر اركز, فربي ماضيع جهدي واحلامي, واثبته لنفسي اللي يختار مصيره يثبت انه يستاهله, وربي يوفق الشخص للطريق اللي مكتوب له الخير فيه إن شاء الله تتحقق احلامكم كلها وتتيسر اموركم, قولو امين إن شاء الله هيا روحو تسلو بالعطله ولا تقعدون هنا توسوسون على النت

ياسلااام عليك .. الله يوفقك يارب ويحقق لك كل شيء تتمناه

انا كنت تقريباً زيك .. كانت لي تجربة مخيبة للآمال السنة الماضية وهاذي السنة تعتبر ثاني سنة جامعية لي .. بس الحمد لله جيت هنا وشديت حيلي وتركت الفلة والبزوطة الزائدة وجبت معدل مقنع جداً لي ... وأتمنى أني أدخل كلية الطب يااارب