رد: عندي كم سؤال في الاحصاء 222 !! مين يساعد وله دعوة في ظهر الغيب
صباح الخير ياقمر
شوفي عشان ما اتأخر عليك بقولك الي متذكرته من المحاضرات
والباقي لين اجيه بإذن الله
الجداول راح تجي في الامتحان بس انتي الي راح تعرفين لمين ...لـ ت ولبيرسون
وكيف تعرفي الجداول بحسب مسمياتها عن طريق درجات الحريه ...شوفيها في الخانه الي على اليمين هذي مهمه تحفضيها
لكل قانون تقريبا درجات حريه
ولاتشغلي بالك وش معنى ذيل او ذيلين !! الاستاذه ذكرت وش معناه بس مو معانا الا الجداول بذيلين فقط
ذيل واحد مو معانا
انتي لما تطلعي النتيجه في معامل الاقتران الرباعي د المحسوبه ...هو طالب في السؤال عند مستوى دلاله معينه
فهمتي ياقمر
هذي في معامل الاقتران قالت الاستاذه نحفضها مستوى الدلاله وكم تساوي الجدوليه فيها
د الجدوليه =2,58 اذا كانت مستوى الدلاله = 0,01
د الجدوليه = 1,96 اذا كانت مستوى الدلاله = 0,05على اساسها تعملي المقارنه برجوع لمستوى الدلاله في السؤال
وتقارني بين د المحسوبه الي انتي طلعتيها وبين د الجدوليه الي موجوده من مستوى الدلاله
اتمنى وصلتها لك وعرفتيها ياقلبي
طريقة كاي تربيع الجدوليه
ركزي معي وان شاء الله توصلك صح وبسهوله
بسم الله
عرفنا انه لكل جدول درجات الحريه
وكل درجات الحريه تختلف عن بعض ....
هنا تبع ""كــا تربيع""
قانون درجات الحريه = عدد الخيارات - 1
والمقصود بالخيارات ...الي تكون موجوده بالسؤال ...تشوفي كم عددهم وتطرحي منهم واحد ...
مثال"" عدد الخيارات 4 نطرح منهم 1 ..4-1=3 بعدين تروحي للجدول تبع كــا
تلاقي في اقصى اليمين خانة "" د. ح """ الناتج الي طلع معاك تاخذيه مثال ""3 ""
وترجعي لسؤال وتشوفي كم معطيك مستوى الدلاله مثال ""0,05 ""
تروحي للجدول عند العامود الي فيه "" 0,05"" وتوصلي بالقلم وتمشي مع العدد 3 الي باليمين يطلع الناتج
"" 7,82""
شوفي وجربي بيدك وتأكدي حاولت ابسط لك
*
اما المسائل الي فيها صياغة الفرض للحين ماعديتهم بس اذا لقيت نفسي عرفتهم بسرعه بعطيك خبر
*
ويعلم الله اني للحين مافتحت الماده بس ماحبيت اشوفك بهالحال وانا في يوووم كنت مثلك
الله يسهل لنا يارب
ولاتنسيني من دعواتك
واذا في خطا كتابي او شيء اشكل عليك وصعب امانه اإسأليني ولاتترددي وبإذن الله ارد عليك
برضو ماابغى توصلك معلومه خطا
بالتوفيق عزيزتي
اختكـ ام دحووومـ
|