مرحبا اختي ان شاءالله يقبلون عذرك وعذري لاني امس صار لي مثل ماصارلك
كان عندي اقتصاد كلي وعلى بالي انه الفتره الثانيه وهوللاسف الفتره الاولى وفاتني الاختبار
اللي يقهر اني رحت للجامعه بدري
قلت خلني اروح واذاكر اللي بقى لي بعيد عن ازعاج الشقه
الساعه 2 وانا هناك والاختبار بدا 1 ونص وجالسه قريب من القاعه اللي اختبر فيها واشوف
بنات يختبرون قلت اكيد انتظام وخذيت شوي الا ويطلعون من القاعه البنات ومعهم كتاب الاقتصاد
شكيت في الموضوع بس كان عندي امل يكونوانتظام قلت اقطع الشك باليقين دقيت على اختي تاكدي لي من الجدول
قالت اختبارك 1 ونص
وسالت وحده من اللي طلعو قالت ايه الاختبار 1 ونص
ضاقت فيني الدنيا مدري وش اسوي رحت ادور دكتوري هدى خيري ويالله لقيتها قالت الاختبار انتهى موضوعك موعندي عند حقين الانتساب وكانت واقفه المسؤوله عن الانتساب قالت تجين يوم السبت تقدمين خطاب وتختبرين مع الغايبات بشهر 10
جيتهم اليوم ورحت للمسؤوله عن الطالبات وكتبت عندها خطاب باللي صار معي بالضبط بس هي قالت لي عشان ماتنصدمين احتمال مايقبلون عذرك لان احنا سهلنا جداول الاختبارات عشان البنات مايتلخبطون
وماعندك الاحل واحد اللي هو العذرالطبي قلت شلون عذر طبي وانا مافيني شي قالت صادقه لكن روحي لوحدة الانتساب هناك لجنة الاختبارات وان شالله يساعدونك ورحت لهم وكتبت عندهم خطاب ثاني وقلت انا من خارج جده متى اراجعكم ابغاهم يراعون الظروف ويردون لي خبر قبل لااسافراعرف راسي من رجلي موكذا معلقه لاانا عطلت مع المسلمين اللي عطلو ولااانا اختبرت مع اللي بيختبرون
قالو بيردون لي على الجوال .......
مافيه الا شي واحد يشفع لي بعد الله عزوجل هو المعدل
دعواتكم
قدرالله وماشاءفعل والحمد لله على كل حال راضيه باللي كتبه الله لي وان شالله انها خيره
نصيحتي لكل طالب وطالبه من هذا المنبر تاكدو من جداولكم قبل كل اختبار