رد: استفسار من طالبة ثالث ثانوي
هههههههههههههههههههه نفسي أعرف ليش مستعجلين من دحين
لاتضيعوا إجازتكم بالتفكير في الجااااااااااااامعه
لاتسوي اللي سوييييييييييييييييته الى يومك هذا منقهره
ضيعت اجازتي وانا بس اش ألبس اش أسوي كيف المواد
اش بدرس مين أحسن مدرسه واش واش واش واش وعلى هذا الحال
وخلصت الإجازه وبدت الدراسه وأنا بنفسي إتعلمت أشياء جديده ماكنت أعرفها
ياحبيبتي الجاااااامعه اعتماد على النفس وانتي بنفسك تتعلمي كل شيء
والدكتورات كل وحده وحسب عقلية الطالبه يعني في دكتورات انا عجبوني وأفهم منهم
تجيكي وحده تقولك الدكتوره هادي مدري كيف خلوها تدرس نفسي أعرف كيف اخذت
شهادة الدكتوراه مااااااااتفهم ومن دا الكلام ..
فياحبيبتي أعيد وأكرر لكل طالب/ة ثانوي دحين شدو حيلكم في الدراسه والسنه التحضيريه
أصبرولكم حبتين وحتلاقوا الأعضاء منزلين مواضيع كاااااااااااااااامله عن كل شيء يخص التحضيري
زي العام أذكر وحده نزلت عن كل شيء اللبس والمكياج والشعر ومدري ايش كل شيء كل شيء
كااااااااااااااااامل موضوع كان متكاااااااااامل ونزلوا صور للجامعه ..
فعشان كدا أصبريلك حبتين ياقلبوو وبتعرفي كل شيء وبخصوص الدكتورات نصيحه مني لاتسألي في هذا الشيء
لأنو اذا جاتك وحده وقالت لك هادي الدكتوره مرره سيئه وتتفاجئي بعدين انها حتدرسك
وخلاااص حيدخل في راسك انها سيئه ومهما حاولتي انك تغيري مارح تقدري زي حالتي دخل في عقلي انو دعاء
قاروت مهي تمام رغمني كنت اشوف الآدميه تشرح وتفهم والكل يقولي فاهم الا انا ياهوو ليش ماني قادره أفهم منها
لأنو وللأسف الشديد دخلت في راسي انو الآدميه دي ماتفهم وفي الأخير انقلب الموضوع ضدي
عشان كدا ياحبيبتي لمن تبدإي دراسة التحضيري انتي جربي الدكتورات بنفسك فهمتي منهم أهلا وسهلا
ولا تختبري الآدميه من أول محاضره أقلها من خامس محاضره زي كدااا وحاولي انك تضحكي على عقلك
تجلسي تقول تفهم ماشاء الله عليها تجنن حبوبه ومن دا الكلام بكدا صدقيني حتفهمي على طول
واذا شوفتي انها مهي كويسه وماقدرتي تفهمي ساعتها عندك الأوديس روحي شوفي أسامي الدكتورات
كل وحده متى محاضرتها وشوفي الوقت اللي يكون عندك فيه بريك تقدري تروحي لمحاضرتها
لأنو بعض الأحيان يكون حظك سيء تلاقي انوا يكون عندك محاضره في نفس الساعه اللي تكون فيها
الدكتوره الممتازه طب اش تسوي في هادي الحاله حتلاقي انو ماقدامك الا انك ترضي بدكتورتك
عشان كدا أقولك انا اول شيء جربيها بعدين أحكمي ..
ودليل كلامي حتلاقي كل عضو حيجي يقولك أسامي دكتورات غير عن الثانيه
عشان تصدقيني انو كل واحد وحسب عقليته في الفهم عقولنا مش زي بعض
كل واحد ومستوى تفكيره غير عن الثاني ..
أدري كلامي ملخبط بس ان شاء الله تفهمي من كلامي
|