وعليكم السلام ورحمة الله وبركاته..
أهلين فيك عزيزي.. والف مبروك إنك خلصت التحضيري ..والله يسهل عليك الباقي انشاا الله..
الله يبارك فيك يالغالي .. ويوفقك إن شاء الله ...
بالنسبة لردي.. ف غالب السنوات اللي مضت، رغبة الطلاب لقسم القانون بشكل عام تكون تكون مررره قليلية، لأنوو كتير من الطلاب يبغوو قسم مررره سهل، وما يكون فيلوو بربرة
صح كلامك بس زي ماقلتلك انا خايف انهم يطلبوا قانون عشان يصير في كليه الاقتصاد وبعدين يشوف صرفه ويحول
وبعدين كتير من الطلاب ما يهمهم التخصص بقدر ما تهمهم الوظيفة، فتلاقي قبل التخصص يسال ايش أكتر تخخص يكون السوق محتاجهم فيه، وتعرف الناس كل واحد يفتي من راسه
كمان صح مع اني شخصيا اشوف القانون متوفره له جميع الوظايف ..
.. بالذات بكلية الملك فهد الامنيه والتحقيق والادعاء
حاجة تانية، ف العام الماضي، كان ترتيب تخصص القانون بحسب رغبة الطلاب أعتقد إما الثالث أو الرابع، وكان المعدل المطلوب 3.04 من 5
وكان توجه معظم الطلاب وما زال، للمحاسبة والتخصصات الادارية، زي الادارة العامة وإدارة الأعمال، والجامعة بعد ما نقلت المحاسبة وإدارة الأعمال للعلمي، أعطت فرصة لطلاب الاداري اللي يبغاها، بشرط إنوو ياخد مادة الكيماء أو الفيزياء >> مني متأكد من داا الشرط بس حاجة زي كداا
صح يختار وحده اما فيزياء او كيمياء ...
بمعنى إنها الفرصة لطلاب الاداري باقية لهم ما راحت عليهم ف التخصصات اللي راحت للعملي، بس حيبقى عليهم إنهم ياخدوو بشرط الجامعة لا أكتر..
بالنسبة لمعدلك، مشاا الله تبارك الله مرره حلو، وإنشاا الله ترفعوو بعد التخصص..
وانشاا الله يارب تتخصص ف اللي تبغاه وتدخل القانون..
يااارب الله يسمع منك ويوفقك دنيا واخره ...
وبالنسبة لطريقة دخولك التخصص، بعد ما يسكنوك ف كلية الاقتصاد والادارة، راح تروح للجامعة عند كلية الاقتصاد والادارة، ومقابلها مبنى اسموو: الشؤون التعليمية، ومن هناك تطلب إنهم يحطوك ف التخصص، وهماا راح يقارنو نسبتك بالنسبة المطلوبة ويقولولك إيش التخصص اللي تقدر تدخل فيه، ولو حققت النسبة المطلوبة راااح تدخل زيك زي اللي نسبته 5 من 5..
يعني طلب التخصص راح يكون عن طريق الشؤؤن التعليميه مو في الاودس ...؟
لكن لو قدر الله إنهم ما دخلوك القانون.. راح يبقى لك فرصة كمان، اللي هياا انك تحول من تخصص لتخصص تاني.. وداا التحويل يكون بعد ما تعدي ترمين بعد التحضيري..
والفكرة حقتها بكل بساطة..
إنك تشوف خطة القسم اللي حطوك فيه، وتشوف خطة قسم القانون، وتحاول ف الترمين دي تاخد المواد المشتركة بين التخصصين، بحيث إنك لمن تحول من تخصص لتخصص، يعادلولك المواد وما تخسر من الترمين شي كتير
لا مافي كداا، وتخصصك مباشرة يصير أنظمة..
انتاا مرره لا تشيل همهاا.. مشاا الله معدلك مررره طيب، وإنشاا الله يكون يدخلك التخصص
وأي استفساار تاني.. من عيوني
بالتوفيق ياارب؛؛