[Life as Game]

اكيد تقدري وانا سويت شرح ..ابو كلب لاني مشغول لكن حيفيدكم ان شاء الله..

اول ما نفتح البرنامج نتجه للقائمة اللي على اليسار ..
وعشان نسوي تجاربنا الخاصة لازم نجيب المعدات اللي نحتاج ..
وانا بسوي لكم تجربة حرق اكسيد الزئبق واصحح غلطتي السابقة في انو ينتج الاكسجين ..

بسم الله نبدا ..

نتجه للقائمة اللي في اليسار ونختار قائمة parts liprary




طبعا اول شي نجيب موقد بنزن عشان الحرق وما ننسى اللي فوقوا دا مدري ايش اسمو
الموهيم
نسوي زي اللي في الصورة طبعا نجيب المعدات عن طريق السحب والافلات بالجرذ << اقصد الماوس
نسحبها من القائمة الى الصفحة ونرتبها



بعدو نجيب انبوبة ..ونفس الطريقة بالمسحب و الحراق .. اقصد السحب والافلات ,,



طبعا لازم نجيب سدادة فيها انبوب صغير ..
ونقفل على الانبوب الكبير بالسدادة ..



دحين نجيب العنصر المحكوم عليه بالاعدام ..حرقا وهوا ميركوري اكسيد او اكسيد الزئبق ..

وكمان هوا بنفس الطريقة نسحبوا للمعمل ..
وعشان ندخل العنصر جوا الانبوبة نتبع نفس طريقة السحب والافلات ..ونكرر الطريقة لما تفلل الانبوبة ..وهوا اننا نسحب العنصر ونفلتو فوق الانبوبة ..




بعد كدا نجيب فلاسكة ابو كرشة ..
وكمان نغطي عليه بسدادة انبوب ..بنفس الطريقة السابقة للسدادات



دحين نوصل الفلاسكة بالانبوب بمصاصة سنتوب



نضغط على راس السدادة زي الصورة ونسحب لين يوصل للانبوب وتلقائيا راح يطلع معانا مصاصة موصلة بين الانبوبة والفلاسك ..



دحين نمرر الماوس فوق الفلاسكة ونستنى شويا لما يطلع معانا قائمة صغيرة
ونختار منها اتوم فيور




دحين نشغل ولاعة بنزن ونبدا تنفيز الحكم وتابعوا الصور











وبكدا اكون اثبتت اني على خطا و لما نحرق اكسيد الزئبق او التراب الاحمر ينتج لنا زئبق خالص ,,

بالتوفيق لكم في تجاربكم ولا تنسوا نظارات المعمل


حطوا العلامة دي على الجهاز عشان اللي يشوفكم من بعيد ما يقرب



وانتبهوا لا تحرقوا يدينكم ..



او تفجروا اللاب توب




او تحرقوا البيت ..




او تلوثوا البحر الاحمر النضيف الحلو




او تأكسدوا الجو عليكم في جدة فضلا عن انو مأكسد بالفطرة



في النهاية لا تنسوا تقفلوا البرنامج علشان اخوانكم الصغار لا يرتكبوا الغلطات اللي فوق




واللي بيصدق النصائح اللي فوق باهوفو بالطفاية ,,ترى امزح معاكم ..

بليز ادعولي تعبت وانا اسوي الشرح ..حتى لو كان ابو كلب