[.,*أميرة الورد*,.]

هــلا والله ببنت مدينتي هلا..

شوفي عنوني... السـكن من ناحية انو حلو.. مرهـ حلو

نبدأ بالتفتيش.. أنا بالنسبه ليا حتى شنطة اليد يفتشوها

يعني يمديكي تدخلي الجوال بس تكوني مخبيتو بمكان ما أحد يفكر فيه

أما اللاب توب الكام.. كمان يمديكي تدخليه بس لازم تكوني شايله الكام منو

نجي للغرفه.. عاديه ما اشبها شي.. بس يبغالها تنضيف وترتيب وتصير فل الفل

في تلاجه صغيره ودواليب وسرير ومفرش.. انتي بس جيبي معاكي شرشف وغطا ومخده

وطبعا مواعينك حقت المطبخ

من ناحية الأكــل.. في مطعم السكن.. تدفعي شي رمزي.. بس خمسه ريال وتاكلي أكل زي أكل بيتكم..

وفي مطعمين تانيه فيها أكل سريع وتبيع أشياء تانيه

في بقاله.. وفي مكتبه.. وفي مقهى نت.. بس المقهى مو كل يوم يفتح ... وازا فتح يفتح بس من الساعه 9 بالصبح لييين 4ونص العصر

امممممممم ايش كمان..

ايوا.. في ملعب ومسبح.. بس المسبح مو دايم مفتوح

في أشياء كتيرهـ.. ازا حابه أي استفسار أو شي تاني.. ارسليلي رساله

في عندي صور للسكن ازا حابه تشوفي

ع العموم.. أنا بنت خالتي قدك ورح تروح معايا ان شاء الله السنه الجايه

ازا حابه نتواصل أكتر ما عندي مشكله.. ارسليلي ايميلك وأي شي تبغيه وأنا بالخدمه