رد: ما هو رأيكم - قدم لزوجته شهادة الدكتوراه ،،، فطلبت منه الطلاق.
السلام عليكم ورحمة الله وبركاته
بالنسبة للقصة نقول الله اعلم والمفروض نسمع الطرفين لنحكم ونقرر اما يجي طرف واحد ويحكي وضعه بصورة تظهره وكأنه مظلوم او مصدوم من رد فعل الطرف الاخر او زي ماقالت الاخت علوم فلكية يلعب دور الضحية وان الاخر ماقدر اللي سواه وانه فعل كذا وكذا ولم يثمر المعروف في الاخر... يمكن بعد ماخذت الدكتوراه ركز على راتبها وطالبها برد الجمائل او الشهود له بالعرفان والجميل ويمكن هي فعلا اتكبرت عليه وشافت انها تستحق افضل منه واحد في مستواها ...الله اعلم واللهم لا ظلم..وحتى لو كانت زوجته ماقدرت هل ضروري يعلن على الملأ انها عملت كذا وكذا وينشر في جريدة الله يهديه اين التستر (من ستر مسلماً في الدنيا ستره الله في الدنيا والآخرة) والمفروض لو الزوج كان صادق اقل شيء يحتسب اجر اللي عمله عند الله سبحانه وتعالى ولو كانت عنده شكوى على زوجته مو يروح ينشرها في جريدة والافضل له يشتكي لله سبحانه وتعالى (إنما أشكو بثي وحزني إلى الله ) ويطلب منه التعويض ...
lotysweet ياحليلك قرأت ردك وانا فاهمة قصدك مضبوط ذكرتيني باختي عندها نفس آرائك تقريبا..واتفق معاكي ان الزمن هذا للأسف نادرأ ماتلاقي رجل مثالي الا من رحم ربي والواحد كل مايسمع انه فلان طمع في فلوس زوجته لانها موظفة وانه جالس في البيت كانه ابو الهول لا يصرف عليها ولا يكفيها شره كمان ويخليها تكمل تعليمها ..والتاني متزوجها كأنها خدامة تطبخ وتنظف ويعاملها أسوأ معامله ..والثالث يستخدم اسلوب المن والتفضل على زوجته
انتي تبغي تقولي ان المرأة المفروض تجهز اسلحتها (اكمال تعليمها والحصول على وظيفة) حتى اذا ماتوفقت بزواجها يصير تعتمد على نفسها ولا تحتاج لرجل في حياتها..وقصدك ان المرأة مخلوق له احاسيس ومشاعر وكائن حي وليس مجرد دمية او لعبة او آلة والمفروض بدل ماتفكر في نظرة المجتمع لها (مطلقة -عانس) وترضى ان تعيش في عالم الذل والهوان وتتحمل زوجها ان كان ظالم معاها المفروض تفكر في عزة نفسها وكرامتها وعن نفسي ماتهمني كلمة مطلقة او حتى عانس خلي الناس تقول اللي تقوله ويخبطوا رأسهم في حيطة اهم شيء راحتي النفسية وربي احزن على الناس المشغولة بشؤون الاخرين وهمها فلانة مطلقة فلانة فيها وفيها بدل مايشغلوا نفسهم بتطوير نفسهم وعبادة ربهم ..انتي متعصبة ان كل تحركاتك (معاملات حكومية -سفر -اكمال دراسة ) لازم ترجعي فيها للرجل ويمكن يوافق حضرته ويمكن لا ...انا معترضة زيك الا في مسألة السفر لانه اولا تعليم رباني ولانه وجوده حماية للمرأة اما باقي المعاملات الحكومية ماتحتاج رجال ..انا اكثر كلمة تقهرني هي كلمة (معّرف) مالها داعي بصراحة ولا يمكن ان المعاملة تمشي الا بهذا المعّرف ...سبحان الله من اسمها معّرف يعني شخص يعرفك ويشهد انك فلانة بنت فلان الفلاني مو لازم يكون رجل ممكن امها او اختها
على فكرة يا lotysweet اذا تبغي تشربي موية لازم ترجعي للرجل لا تنسي امزح معاكي
شكراً لك استاذ عماد على اتاحة الفرصة لنا للنقاش والله يعطيك العافية
|