السلام عليكم
بالبدايه قولي الحمد لله على كل حال
ماتدري رسوبك في هالماده ممكن يكون دافع لك انك تشدي حيلك وتزيدي درجة النجااح اكثر في المواد الجايه
لكن انا عندي وجهة نظر واعتبريها من اخوك الصغير
انا وصلت مستوى رابع ورايح للخامس الحين ودرست في كذا جامعه قبل هالجامعه يعني ماسك وظيفتي وجالس اطقطق على رواقه في هالجامعات طبعا اغلبها سمستر واحد ثنين وامسك الباب
الموهم
اللي اتضح لي فيه ناس طبعا مااقصدك في الكلام لكن بشكل عام ماتستوعب الماده قبل المذاكره
بمعنى انه مثلا قانون اداري او ثقافه اسلاميه او اي ماده تعتبر على قولتهم مادة ( دش ) < زيادة حكي وشرح
هالمواد هذي وخصوصا في جامعة الملك عبدالعزيز ماتحتااج انك تذاكري كتاب قانون اداري بـ 250 صفحه بينما فيه ملخصات واضحه ومجمعه ومرتبه وفيها اسئلة الاعوام الماضيه و90 بالمائه من الاسئله في المذكره
انا في هالماده ذاكرت ملخص بـ 50 صفحه او اقل وفي علوم السياسيه ذاكرت ملخص للاخت عذاري جده بـ 30 صفحه
ومع حل الاسئله الحمد لله درجاتي 75 و 76
يعني اختي اذا انتي قراتي الكتاب قبل واستوعبتي المااده واذا كنتي تبي تنزليها في الترم الصيفي
اسمعي شوري وخذي لك ملخص حلو وشامل وذاكريه بحيث انك تركزي على شغلات معينه وتحفظيها من كثر التكرار
واللي اخذتيه من الكتاب باقي بذهنك
انا اتوقع ان استوعبتي الماده وش تبي بالضبط وفي اي اتجاه هي راح تجيبي درجاات عاليه
خصوصا القانون الاداري او مادة عايشينها بحياتنا العمليه
بعدين انا نسيت اقول شغله انتي بنت وماشاء الله تبارك الله البنات في المنتدى هم اللي عاملين الشغل ومجتهدين وملخصات وشغل جامد لدرجه ان احنا يالشباب نستفيد من ملخصاتهم وتكاتفهم مع بعض لو بس تكتبي لاحد البنات نص كلمه في عنوان موضوع تحصلي 100 رد منهم مو مثل الشباب تجلس تترجا فيهم يخلص الترم ماحد عطاك وجه
اتمنى انك تتقبلي وجهة نظري ودعواتي لك بالتوفيق ومن نجاح الى نجااح
ودمتي بود