[عازف الروح]

السلام عليكم

الاساتذه يختلفون
وعقولهم ايضا تختلف
واساليبهم تختلف
مثلهم مثل الطلبه ....

المدرسه الحديثه ليس النهج الذي تنتهجه الجامعه
بل المدرسه الحديثه هو كيف ان تخرج الطالب وهو يفهم محتوى ما درسه
هنا اساليب مختلفه جدا ... والتعقيد يغلبها للاسف ..

يقول احد الزملاء ..
(( كنت ادرس برا وكان يدرسنا استاذ وجانا وقال بعد اسبوع عندكم امتحان تجهزو له .. يوم جا الامتحان وامتحنا وخلصنا ,, بعد التصحيح وبعد ما اعطانا الدرجات .. قال اللي يبي يعيد امتحانه بكره فيه امتحان .. ومعضمنا عاد امتحانه .. يوم جت الاسأله .. الا نصا نفس الاسألة السابقه .. ونصنا ما توقع هالشي ... بعدها بيومين قال اللي ماجابو درجه حلوه بكره فيه امتحان اللي يبي يمتحن يسجل اسمه .. ويوم جا الامتحان للمره الثالثه الا نفس الاسألة نصا ما تغيرت ابدا ... ... المهم بعد اعادة اختبار لاكثر من مره والاسألة هي نفسها ... وبعد ما انتهى الاستاذ
الطلاب سألو الاستاذ .. يا استاذ انت ليش تجيب نفس الاسألة ؟ ما تغيرها ابد
قال : هذه الاسألة هي زبدة المنهج .. عندما تجيب عليها باقتدار .. فمعناها انك فهمت المنهج جيدااا .... وهذا ما اهدف اليه ..

الكلام هذا له معاني كثيره جدا
ان الماده الهدف منها ان تفهمها
فعندما يكون الاستاذ يريدك ان تفهم الماده يأتي بما هو مفيد فيها في طريقة اسألته ...

اما اذا كان معقدا وللاسف هم كثيرون .. فتأكد ان نصف الاسألة لا فائدة لها نهائيا حتى في حياتك العملية والخاصة .. لن تستفيد منها ..

,,,,,,,
عموما .... الزبده يا اخوان احنا عشان نمشي صح في جامعتنا لازم نفهم الكتاب ونركز عليه ونشربه مره ومرتين وثلاث ونتوقع كل شي .. وانا مريت بالتجارب هذي .. اكتشفت اني لما اعطي الماده حقها تماما .. تعطيني حقي ... ولو ما اعطيها حقها ما تعطيني حقي ... فقد مررت بكل الحالات من الـ f الى 60 مرورا بـ 70 و 80 و 90 و 95 وللاسف لما اعرف الطريق جيدا الا قبل نهاية المطاف في الجامعة

تحياتي