[Nice Heart]

السلام عليكم

انا طالبة غير سعودية .. يمنية

والحمد لله انا الحين طالبة ف جامعة الملك عبد العزيز وأدرس انتظام

ولسى دوبي خلصت أول ترم << يعني لسى طازه

طبعا السنة اللي فاتت كنت خايفة هل حيقبلوني ولا لأ ..؟

ومتى ؟ ومن دا الكلام

وانتو اكيد نفس الشيء .. أيام قلق والله ..

وانا حبيت اعطيكم تجربتي واريحكم ..

طيب جينا لصلب الموضوع .. كيف انقبلت ..؟

اول شيء حطي ف بالك انو الجامعة تقبل غير سعوديات .. والشكر لهم بعد الله

تاني شيء .. حتخلوا ولي أمركم يقدم الطلب عن طريق الرجال ..

لهم عمادة خاصة .. خلوا ابوكم يقدم لكم .. طبعا ياخذ معاه صورة اقامتك

وصورتين من شهادة الثانوية مصدقة

والجواز وشهادة الميلاد ..

يعني الاشياء المهمة ..

نسيت .. كمان صورة من نتيجة شهادة القدرات حقك

تطبعيها من النت

ونفس الاوراق كمان قدموها عن طريق النساء

من بوابة غربية للطالبات اللي جنبها عمادة القبول والتسجيل


طبعا لازم النسبة الموزونة ( الشهادة + القدرات + التحصيلي )

تكون 90 وفوق .. هذا بالنسبة لسنتي

هذي السنة ما اعرف كم النسبة اللي يحددوها ..
___

كل الطلبات يرفعوها لوزارة التعليم العالي ..

وخلوا اهاليكم يراجعوا عند بداية السنة ..

اليـــن مايسير قبولكم

انا جاني خبر قبولي ف شهر الحج

وبدات الدراسة ع الترم التاني ..

وماشاء الله كثير طالبات غير سعوديات قبلوهم

بس اهم شيء النسبة الموزونة زي ماقلت لكم تكون من اللي يطلبوها ..

وبس الله يوفقكم يارب

طولت عليكم بس ان شاء الله استفدتوا ..

ودي
همس البنفسج