[طالبه سنه تحضيري انتساب]

السلام عليكم ورحمه الله وبركاته .....
شلونكم ان شاء زينين مع اني انا نفسي مو طيبه من هالجامعه اللي معدقدنتا في عيشه الله
الله سبحانه يرحم عباده هذولا مايرحمونا المشكله حتى حارسات الامن شافين حالهم الوحده منهم تحسب نفسها وزيره انا مااعترض على شغلتهم بس التعامل الطيب يخلي لهم احترام ووجود بين الناس يعني هذا دين الاسلام يحث على التعامل الزين وهم الواحده منهم تكلمهم ولاهي معاك ياتسولف او تطقطق على هالكمبيوتر ولا تقولك لحظه وحتى السلام ماترده عليك ليش كل هذا ؟
اساسا التعليم بالسعوديه كله غلط بغلط حتى نزل الحين نظام جديد يبدا في السنه الجايه عند الابتدائي اللي هو ان الثلاث سنوات الاولى من الابتدائي راح تكون اختلاط بين الاولاد والبنات يعني اولى وثاني وثالث ابتدائي اختلاط هذا الغلط بحاله واول الخير حتى لوكانو اطفال راح يكون تاسيسهم على مبدأ الغلط الظاهر بعد فتره بيكون الاختلاط في جامعنتا الموقره
يمكن يكون قسم الرجال ارحم من قسم الحريم والله الحريم عقدونا الله يعقدهم يعني مايتفاهمون معانا يعني ليش مايتساهلون معانا ويغيرون نظامهم للاحسن مو للاسوء والله الوحيدين اللي طيبين في الجامعه الخادمات هم منجد يتاهلون الاحترام مافي عماده كويسه ولا استاذات متفاهمات ولا حارسات امن محترمات وبعدين الوزاره كاتبه التربيه وتعليم يعني التربيه قبل التعليم وين التربيه هاذي والله لوتشوفون البنات البويات في الجامعه قله ادب ومصخره على الكيف ليش يدرسون ذولاء والبنات اللي اخلاقهم عاليه في البيت قسم بالله تحس نفسك داخل جامعه اولاد مو بنات هذا كله في كفه والمشاهد المنحطه والمخله بالاداب الدينيه يعني تروح يمين يسار تلاقي هالبلاوي حتى حارسات الامن بويات ليش هذا كله ما يروحون قسم الاولاد احسن لهم ولنا علشان مايشككونا في انفسنا واذا بلغنا عنهم وعن قله ادبهم يشوفون بس بطايقهم وخلاص يعني مافي عقاب ولافي امانه في التربيه انا نفسي اخاف منهم
وهذا شي بسيط جدا من المخفي وحارسات الامن مايستقووون الاعلينا احنا ولايطلون في بطايقنا يعني ندخل ونطلع احيان من غير بطايق هذا غير جولات الكاميرا الموجود ليش ندخل هالجوالات ترى لوتروحون الكفتريا او اي مكان نلاقي تصوير يعني مافي امانه حتى عند الطالبات ليش مايكون بلد الاسلام مطبق فيه كل الاساسيات السليمه والصحيحه .....
والعماده هذي سالفه لحالها تروح يمين تلاقي كلمه وتروح يسار تلاقي كلمه ثانيه هم انفسم مو دارين وين الله حاطهم لا ويشوتون فينا من وحده الى ثانيه يعني يقولون لنا روحي هالغرفه واذا رحنا قالو مو من عندنا روحي الغرفه الفلانيه واذا رحنا كمان مو من عندنا واخر شي خلاص نخلص كل الغرف الموجوده في العماده ويرجعونا من اول غرفه يعني اللي يبي ينحف يروح العماده من اول يوم يخس وزنه احنا لازم مانسكت على اللي يصير الى متى بيلعبون فينا ندخل الغرفه ونلاقي سولف وضحك تسمعه من اخر الممر اليوم مثلا رحت الجامعه وابي اسالهم دخلت غرفه لقيتهم يتكلمون عن البرنامج الفلاني وكل وحده تقول لثانيه ليش ماقلتي لي متى يجي البرنامج ويوم دخلت قالت استكوا خلونا شوف هاذي ايش عندها انا مااقول لاتسولفون بس خلصو اللي وراكم وسولفو جعلكم ماتسكر فميكم يعني تعاملوا معنا زين لاتسكروا الابواب في وجيهنا حتى يوم جينا نسجل بالجامعه والله العظيم ماابالغ بكل كلمه اقولها تخيلو مسكرين الابواب اللي في مبنى حق التسجيل واحنا في الشمس وهم ولادارين عنا ليش هذا كله بس قولو لي سبب واحد يقنعني لا دراسه زينه ولا تعامل طيب على الاقل ردوا السلام ترى رده واجب مو على كيفكم تردون على اللي تبون ولا على اللي عندهم واسطات

ارجوا من الجميع التفاعل علشان تصل كلمتنا مع بعض