رد: استفسار لطلآب السنة التحضيرية في السنة الماضية والهندسة الآن ...
وعليكم السلام ورحمة الله وبركاته
صبآح النور
والف مبروك تخرجك وان شاء الله تطلع نتايج التسكين حلوه
هدي المواد اللي حتنزلك في اول سنه
مقصدمه في التصميم الهندسي ie201<<< ماده حلوه بس كلها انجلش وكرف وحتشتغل فيها مع تيم وراح تسوو فيها مشروع
ie 203 , ie204 = انجلش لازم تاخدها قبل ما تتخصص
رسم هندسي = ماده حلوه كلها رسم راح تاخدها على الورق وعلى الكمبيوتر
رياضيات 202 و 203 = تحتاج مذاكره مستمره وحل تمارين
فيزياء 202 = مقسمه على معمل 25 ومشاركه 15 واختبارات 60
برمجه = ما اخذتها
معمل فيزياء 281 ومعمل كيمياء 281 = مادتين تافهه
ورش = ما اخذتها بس يقولو مره سهله
ثقافه اسلاميه ولغه عربيه = سهله
اقتصاد هندسي = ما اخذتها
المواد حلوه ومو مررره صعبه بس اكيد تحتاج اجتهاد ومذاكره
اكيد كلها بالانجليزي ما عدا اللغه والثقافه هيا اللي بالعربي
وحتا لو انجليزيتك تعبانه اكيييد ما حتكون سبب في عدم دخولك للهندسه
رآآح تواجه صعوبه اكيد بس انا قدامك انجليزيتي مره سيئه وتعبت في المذاكره وفي بعض المواد نزلت درجتي فيها بسبب الانجليزي بس الحمد لله مشي حالي
غير كدا انت عندك الاجازه دحين لازم تستغلها في تقوية انجليزيتك سواء داخل حاسب او هندسه لأنو في التخصصصين فيهم مادة الانجلش واللي مسؤول عنها واحد مرررررره شديد وما يمشي في الدرجات يعطيك حقك حتا لو جايب 59.9 ما يمشيها
والدكاتره فيهم الممتازين والسيئين ما اقدر اقيمهم لأني لسا بأل سنه وبالنسبه للشرح في بعضهم بالعربي وفي بالانجلش
بالنسبه للنسبة الموزونه اعتمدو فيها على الفيزياء والرياضيات والانجلش
اخدو النسبة الموزونه لمتوسط مجموع هدي التلاته مواد
وكانت النسبه 80% للهندسة في الجامعه و 75% للهندسة برابغ
نصيحتي لك ادخل الهندسة ولو حاب الحاسب ادخل هندسة حاسب اكيد هيا اقوى من الحاسب
بالتوفيق
|