[د.كيــف]

والله لو لا الخوف من ربي وكرهي للذنوب
اني لـ قول ان التراب ابعد عليك من النجوم

يا الهي تطمئـن لذكـرك أرواح وقلــوب
لا إله إلا أنت نسجد له وغيرك ما يدوم

يالعظيم اللي في علمك جنة ونار وغيوب
تنجي أمي من عذاب النار والقبر الكتوم

يمه الله يعلم يوم أودعك مغصوب
يوم أحطك في القبر ما ادري اقوم او ما قوم

ماهقيت امشي ولا خطوة ولا الحق غروب
من عرفت ان الفراق اليوم صار امر محسوم

صارت الدنيا تدور ولا عرفت الدرب نوب
مثل الأعمى صرت يمه ماعلي شرهه ولوم

الوكاد اني غديت بصوب والدنيا بصوب
والحياة الله يجبرك صارت اقسى من اللزوم

كلما اذكرك يمه ينحرق شمع ويذوب
يختنق صدر المفارق كثر ما صار محروم

اذكرك انتِ هنا وهناك يا صعب الهروب
وين ما اناظر اشوفك في عيوني كل يوم

اتخيل طلتك ومشيتك في هالدروب
حتى صوتك اسمعه نفس السوالف يارحوم

صار بيتي في عيوني موحش وكله عيوب
من رحلتي لاخير ولا علم ولا عين تنوم

مابقى للبيت نور ومابقى للجرح ثوب
ولا بقى الا ذكريات بيني وبينك تدوم

يمه الله لا يعاقبني ولكني اتوب
ليت ربي ما خلق فرقا ولا موت ولا هموم

ادري الجنه تحت رجليك ولله الوجوب
اسال الله الرضا والفوز يالحي القيوم

والله لو لا الخوف من ربي وكرهي للذنوب
اني لـ قول ان التراب ابعد عليك من النجوم

ياالهي تطمئن لذكرك أرواح وقلوب
لا إله إلا أنت نسجد له وغيرك ما يدوم