[اه يا زمن]

المشاركة الأصلية كتبت بواسطة Mr.ELI السلآم عليكم الحمد لله أنآ آنقبلت هندسة ,, وحبيت أستشيركم من أفضل الدكآترة للموآد التآلية ,,

وعليكم السلام ... ألف مبروك ونتشوف بوجود امثالك في الكلية وتشرفنا مساعدتك :)

المشاركة الأصلية كتبت بواسطة Mr.ELI e204, ie203

بالنسبة للمادتين هذي ما عمرها مرت علي :) لانها ضمن الخطط الجديدة

المشاركة الأصلية كتبت بواسطة Mr.ELI ie201

مادة حلوة بصراحة اخذتها مع الدكتور شعبان نصير .. الدكتور شعبان ما شاء الله عليها يفهم المادة ويشرح بالعربي بس المادة معه شوي مرهقه :) واهم ما في المادة هذي التييييم ثم التيييم ثم التييييم عبارة عن مجموعة بحووث او تقدر تسيمها تطبيق بعض القواعد النظرية على المشروع حقك وفي اخر المادة يوجد لها مشروع صغير :)

المشاركة الأصلية كتبت بواسطة Mr.ELI meng130,meng102

بالنسبة لل 102 هذي مادة الرسم الهندسة مادة تتعلق شوي بالتخيل للشكل في وجهة نظري المادة مهي صعبة كثير وفي ناس تشوفها من اصعب المواد :) بالنسبة للدكتور ما لها الا دكتور واحد لكن يكون على كل مجموعة من الطلاب مهندس مشرف .. وما عندي خلفيه عن المهندسين اللي ماسكينها بس اذا نزلتها هات اسماء المهندسين وان شاء الله نقولك احسنهم


بالنسبة لل 130 هذي مادة ماسكها الدكتور سعد الدوسري وكانت مادة سهلة جدا جدا والترم الجاي سمعنا انه بيتغير ... وبيصير الدكتور عبدالملك ابو خشبة .. دكتور عبدالملك طيب نوعاً ما بس ما اعرف كيف بيوزع الدرجات

المشاركة الأصلية كتبت بواسطة Mr.ELI math203,math202

الرياضيات ما اعتقد احد يقدر يفتيك فيها انت ادرى بمستواك بس اذا تبي شرح عربي خذها عند مصري او سعودي مع انه فيه هنود لغة حلوة وبسيطة :) وكل ترم يتغيرون .. نزل موضوع بداية الترم اذا نزلوا الدكتارة والشباب ما يقصرون

المشاركة الأصلية كتبت بواسطة Mr.ELI phys281

اذا كان معمل الفيزياء فهو سهل جدا جدا .. ما درست هذي المادة فما ادري ان كانت نفس المواضيع حقت معمل فيزياء 101 والا لا :)

المشاركة الأصلية كتبت بواسطة Mr.ELI ee201

بالنسبة لي مادة ممتعة جدا .. وهنالك كثير من الطلاب على النقيض تماما
مادة تتكلم عن البرمجة .. برنامج الماتلاب .. يعتبر من البرامج الهندسية القوية
بصراحة الدكتور علاء جودة يعطي المادة بصورة بسيطة جدا لكن شخص يعطي كل شخص حقه ^_^

المشاركة الأصلية كتبت بواسطة Mr.ELI ie255

مادة سهلة ان شاء الله تتكلم عن الاقصاد .. مادة مترابطة لازم تفهم اول المادة زين وتبني عليه الباقي


الشباب اخذوا المادة مع الدكتور الحركان .. ودرجاتهم عالية ما شاء الله

الدكتور الحركان اثني على اخلاقه فقد ساعدني في مشكلة لدي ليس له علاقة فيها واكرر شكري لهذا الدكتور وتقبله لي

المشاركة الأصلية كتبت بواسطة Mr.ELI phys202

كثير من الطلاب ما يشوفنها صعبة بعكسي تماما اشوفها صعبة بس ربما لاني ما كنت افهم من الدكتور

المادة تتكلم في الكهرباء بشكل كبير :)


طبعا اعتقد ان الدكاترة تغيروا كثير لاني اخذت المادة زمان فالشباب يفيدوك اكثر

المشاركة الأصلية كتبت بواسطة Mr.ELI هل الشرح بالعربي والآ الأنجليزي ,, وهل الآختبآرات موحدة لجميع طلآب الهندسة ,,

الشرح في الاغلب باللغة العربية اذا كان الدكتور عربي اما الباقيين يتكلون انقلش :) لكن اذا لغتك تعبانه حاول تحسنها شوي لانك راح تستفيد من اللغة في كثير من المواد

====

بالنسبة للمواد اذا كانت مواد عامة وتدرس لكثير من الشعب فالاسئلة موحدة اما في مواد التخصص فتختلف من دكتور لاخر

بالنسبة للمواد اللي عرضتها كلها موحدة عدا ee201 على حسب معلوماتي ووقت دراستي كان بس النهائي موحد واما النصفي والدوري فكانت غير موحدة



اخوي اعتذر جدا عن الاطالة وان شاء الله اني افدتك واذا تحتاج اي شيء ان شاء الله ما نقصر والشباب اللي هنا كلهم لخدمتك وخدمة المستجدين :)