رد: المساراات في الاداره العامه
هلا اخوي ،،، المسارات ثلاثه ،،، ادارة عامه مسار عام ، ادارة عامه مسار الخدمات الصحيه والمستشفيات ، ادارة عامه مسار التطوير والتنظيم الإداري .
وبخصوص ايهما افضل ،،، هذا الاختيار لك اخوي وانت اللي تقرر ،،، لكن بعطيك معلومات عامه عن المسارات :
اول شي لازم تعرف ان قسم الادارة العامه يخرجك على الوظائف الادارية الحكومية في القطاع العام ،،، وبنسبة قليله في الشركات الخاصه في القطاع الخاص .
وهذا معناته دخولك لايه مسار ماحيفرق من ناحية القطاع ،،، لانها كلها بتخرجك على القطاع العام الحكومي .
الحاجه الوحيده الي حتفرق معاك هي مجال عملك ،،، يعني لو اخترت مسار الخدمات الصحيه والمستشفيات حتكون وظيفتك في مجال الصحه في القطاع الحكومي من مستشفيات وغيرها ،، ولو اخترت مسار التطوير والتنظيم الإداري حتكون وظيفتك في قسم التطوير او التنظيم او التخطيط مثلا في اي ادارة حكومية في القطاع العام ،،، يعني مسار التطوير والتنظيم الإداري مايربطك في مجال معين زي مسار المستشفيات الي يربطك بمجال الصحه ،،، ولكن مسارالتطوير والتنظيم الإداري يربطك في الاقسام الاداريه اللي ذكرتها قسم التطوير او التنظيم او التخطيط مثلا ،،، اما المسار الاخير وهو العام وتكون وظيفتك اداريه في ايه مجال وفي ايه قسم في القطاع الحكومي ،،، يعني لايربطك لا في مجال كالصحه ولا في قسم كالتطوير ولكن تستطيع العمل به في ايه قطاع حكومي .
وانت شوف نفسك اخوي ،،، اذا حاب انك تعمل في مجال الصحه اختار مسار المستشفيات ،،، واذا حاب تعمل في قسم التطوير وغيره اختار مسار التطوير ،،، واذا حاب تسيب الشغله مفتوحه بدون تخصص اختار مسار عام .
تحياتي اخوك طارق
|