[Amal.S.A]

المشاركة الأصلية كتبت بواسطة butterfly hope السلام عليكم ورحمة الله وبركاته حابة اعرف كل شي عن قسم التغذية؟؟ ... الصعوبة و المتعة في اي تخصص وفين بالزبط في دا التخصص ؟؟؟ وعن مادة التشريح تخوف ولا والفسيولجي هيا التشريح ولا اش هيا الفسيولجي عن وظائف الاعضاء؟؟ :) والدكاتره كيف وفي دكتور يدرسك ولا دكتورة ولا على حسب ؟؟!! وعموما في صعوبة يواجهها الطالب والطالبة بالنسبة للانقلش لانو كل المواد بالانقلش؟؟ ومررررررررررررررررره شكرررررررررررررررررررررررررررررا احترامي و ودي ^_^

وعليكم السلام

بخصوص التغذية صراحة مااعرف عنها كثير..

اما بخصوص مادة التشريح اللي هيّ الاناتومي.. مرة ماتخوف بالعكس قمة المتعة في هذه المادة..

واحنا تقريبا لين نص المنهج كنا نشووف الأعضاء الحقيقية يعني حقت ناس .. بس بعد السيل والمطر ماصرنا نشوف شي لأنهم انعدموا ..

فما أدري على سنتكم حتكون مجرد دراسة نظرية او ممكن تشوفوا حاجة ..

بس من جد كل شي يعتمد على هذه المادة .. وجدا رائعة ومو صعبة لأنو هيّ مجرد تحفظي أماكن وأسماء في جسم الانسان ..

وبالرااحة تجيبي الاي والاي بلس ..

والفسيولوجي اللي هيّ علم وظائف الأعضاء،، هذه المادة يبغالها مخ نظييييييف .. ومذاكرة أول بأول ..
والمادة حلوووة .. بس من جد مايبغالها لعب ..

والدكاترة اغلبهم جيدين .. وفيه امكانية انو يدرسك دكتور ..

وان شاء الله مافي صعوبة من ناحية الانقلش..الدكاترة بيدخلوا كلمات عربي في الشرح اذا مو كله وبس المصطلحات اللي تكون بالانقلش..

وعموما مافيه صعوبة .. ودحين في الإجازة اقرأي حاجة ،، سجلي في دورة المصطلحات الطبية مررة حتفيدك ..

وبس..