[r_r]

[[-- مطار..!!
وناس تحجز للمفارق .... عمد --]]



::

::

السلام عليكم والرحمهـ



جبت لكم قصيده تناسب الاجواء




::

::


|| اكرهــك يا صيــف ||



ما طرى بعد الموادَع غير ( كيف اقطـع وريـد )
و اكتـب بـدم المـوادِع كلمـة ٍ فيهـا مـلامـه

مـا احـب اللـوم لكـن حدنـي حـظ ٍ عنـيـد
مايل ٍ مـن عـام الأول ناسـي ٍ معنـى استقامـه

جاتنـي حرقـة وداع ٍ .. ذوبـت بـاس ٍ حديـد
لحظة ٍ يا لعـن ابوهـا داسـت القلـب بحطامـه

قبلها مـا كنـت شاعـر .. وقتهـا كلـي قصيـد
بعدهـا ادعيـه ربـي رده بخـيـر و سـلامـه

ما كرهت الصيـف لنـه ناشـف و حـره شديـد
بس كرهتـه لـن خلـي قالهـا و اثبـت كلامـه

ايه اسافر كل صيـف و مقصـدي شوقـك يزيـد
و ان تمللت بغيابي .. لا عب الليـل و ظلامـه !

آه منه كيـف قاسـي .. سهلـه يتركنـي وحيـد
بالعطـا يبخـل عليّـا و بالبطـا يجـود بسهامـه

لعن ابوه ان كان ناسي شـوق مـن نوعـه فريـد
يوم اشوفه كنت اضمه و تشتكي منـي عظامـه !


رحت لـه ليـن المطـار و غايتـي دمعـي يفيـد
للأسف كمـل طريقـه .. كـان يلـوح بابتسامـه

ما ترك للشوق صوره .. رقم هاتـف .. او بريـد
كيف انا شهرين بصبر .. عن دلاله و عن خصامه


يشهد الله كنـت ضايـع .. بيـن يمكـن او اكيـد
و ناس ٍ تساسر بعضها .. منهو هذا ؟ وش علامه ؟

كنت انا للحزن مصـدر للـي شايـف مـن بعيـد
و اللي ساكن في السويدا راح و ما بـان اهتمامـه


قلت ابرجع و امـري لله و ابتـدي يـوم ٍ جديـد
و الدموع تعيق شوفي .. و الدروب بلا علامـه !

لا دليـل يـدل قلبـي .. لا صديـق ولا عضيـد
و ان بغيت ارجي الغريب .. تردني عنه الكرامـه


بآخر العشرين عمـري .. ابكـي و كنـي وليـد
طفل ٍ بسن الرضاعه و انفطـم مـن قبـل عامـه

يا مـلا مـن يطفـي نـار ٍ زادت بقلبـي وقيـد
يشتكي الخفـاق منهـا و هـي تمـادى بالتهامـه


جيـت ابطفيهـا بدموعـي شفتهـا تعيـد و تزيـد
نار بعـد و نـار شـوق و فوقهـا نـار الندامـه

و الغضي ما حس فيها .. مهتنـي بفـرح ٍ رغيـد
في سما السلوان طاير مـا دنـى للحـزن هامـه


كيف يترك منهو كان فـ قربـه سيـد لكـل سيـد
وين ميثـاق المحبـه ؟ ويـن وعـده والتزامـه ؟

ليه انـا اخسـر شموخـي و العـواذل تستفيـد؟
يوم يكسرنـي بغيابـه و مـا يبيـن لـي هيامـه


ليه انا ابكي و اعانـي و خلـي احساسـه بليـد ؟
دمعي لامس قاع ثوبي و دمعه ما لامـس لثامـه !


عفت كل الناس لأجله ليـن سمونـي (( الفقيـد ))
و هوَ ما يدري بحالي و شلي سـوا بـي غرامـه

تختلط عندي الشـوارع .. عنـي تركيـزي يحيـد
ضايع ٍ مني طريقـي و مـا علـى مثلـي ملامـه

و البدايه جيت برجـع بوظبـي و فكـري شريـد
دون ما اشعر شفت نفسي قابض ٍ خط الشهامه !!!!


و الله اني من سواتـه مـا بقـى بعقلـي رصيـد
خوفي لا طـال السفـر عقلـي يعجـل بانعدامـه

جيت انـا(( قبـل الأذان )) لبيت خـلاق العبيـد
و يوم قال الله اكبر .. قمت .. احسبها (( الإقامه))

ليه يا صيف المسافـر للمسافـر صـرت عيـد ؟
تمنعه ينصف ضنينه من بعد مـا الوقـت ظامـه !

ليـه يـا صيـف المـوادع للمـوادع مـا تريـد
غير هم ٍ كنـك اللـي ثايـر و حـان انتقامـه !!


اكرهك يا صيـف لأنـك ناشـف و حـرك شديـد
و اكرهك يا صيـف لأنـك تثبـت لخلـي كلامـه

اكرهك و استغفر الله يوم قلت (( اقطـع وريـد ))
ما ابيه يشـوف جرحـي يـوم يرجـع بالسلامـه ..


::

::


للشاعر .. ساقي الشوق

::

::



[[-- لا تلوح للمسافر..!!
المساآأإفر .... رآأإح --]]