بنات
دقيت على رقم البنك
رد عليه واحد نايم
نايم فعلا وصحيته
قلت لو سمحت قريت خبر تقديم وظايف لبنك, وحابة استفسر
قال تفظلللي استفسري للصبح, وش تبغين!!!
لاحظوا اصلا واظح ان مافيه تقديم على رقم جوال
المهم قالت لازم اكمل عشان يتحذر غيري
قلت لو سمحت حابة أقدم,,قال اكتفينا من اول
قلت لو سمحت هذا أي بنك,,,قال يمكن الهلي
قلت يمكن!! قال الا هو ,,الهلي موب يمكن
طبعا تعرفون انظمة البنوك والمكالمات المسجلة وهذا واحد هايت
قلت مين حضرتك,,,قال وش تبغين بي مو تبغين وظيفة قلنا مافيه!!!
قلت شكرا,,, يستحق االشكر لني بدعي عليه في اللعب بحاجات الناس
يعني عشان قاعدين ندور وضايفة يتسلط علينا اولاد الحرام!!!
مايستفاد من الموقف(تذكرت مايستفاد من الحديث):
1- نشغل ذكائنا ونعرف كل قطاع كيف يكون التقديم له, القطاع الحكومي تقديم نت والخاص نت وغالبا وجها لوجه لقلة وظايفهم.
2- نحرص ولا نخون, يعني معفول تقديم برقم جوال طيب مايبغى سيرة مايبغى ملف والا التقديم حسب نغمة الصوت!!
3- الأسلوب, من الأسلوب نعرف الهدف, معظم القطاعات الأن مكالماتها مسجلة وبمجرد تقولين من حضرتك يقول اسمه وغالبا يقول اسمه قبل كل شي, يعني اللي يخاف على اسمه ويطيح هرجته تحسبي عليه.
4- لمن تشوفين اعلان , تذاكي اصلا مو معقول وظيفة بدون معلومات, بس تعالوا دقوا, ترقيم اخر زمن.
5- لو قوية وواثقة من نفسك مارسي دور توعوي, بس ماانصح البنات الصغار يسوونها لاتسوينها الا وانتي واثقة وش تقدرين تسوين فيه لو اذاك او على الأقل دق عليك مرة ثانية( انا حرمة كبيرة وام ) ولا اخشى من دقة, كيف تمارسين دور توعوي ,يعني دقي واستفسري واحمي غيرك من الإستفسار وجيبي الخبر كامل وتعالي انقليه ووعي غيرك لملاحظاتك واحتسبي الأجر عند الله.
6- اذا كنتي تحبي الخير وحابة تخدمين غيرك انقلي الخبر صح, لو مو واثقة تفاطني وفكري كيف بتورطين ناس وانتي مو متأكدة تأكدي شوي (هل فيه تقديم برقم جوال), انتبهي لمن تشوفين دعاية شوفي مشاركات صاحبتها تعطيك ثقة اولا , لو جديدة اعرفي انه رجال وانه هو صاحب الرقم, انا شفت لقيت الأخت شموع وادتني فعلا ثقة ان الرقم مأمون ماحد يجازف بسمعت ويكتب مشاركه غير موثوقة, بس ياليت ياشموع تنتبهي عند وضع دعاية لاحد يدعي عليك بسبب مصيبة كنتي سبب في ربط بين جاني وضحية برقم جوال صح كل واحد عقله في راسه, بس لاتكوني سبب وانتي مو منتبهة , طبعا كنت اتمنى ارسل لك على الخاص بس انا عارفة انك تنصيحين نفسسك بأفضل من نصيحتي لك لذا حطيتها على العام لأني ماقصدك فيها بشكل خاص بل اقصد كل واحدة تحط اعلان قصدها خير ومايندرى وش قصد الأخرين.
تحياتي للجميع