رد: للذين كتب الله لهم القبول في برامج الماجستير الخاص ارجو الدخول
هلا بك اخوي "نو كومنت" ... واتمنى لك التوفيق في حياتك العلمية والعملية بأذن الله.
أولاً: سالفة ال 65 من 70 هذي بصراحة ما تدخل المخ ... يعني ممكن فيه ناس يجيبون النسبة هذي بس مستحيل انها تكون الحد الادنى للقبول .... وانا نسبتي كانت في الخمسينات وانقبلت ولله الحمد ... واصلاً الاغلبية اللي انقبلت كانوا بالخمسينات.... فيه جزء بسيط منهم بالستينات وجزء بسيط برضو بالاربعينات.... يعني خلينا نقول ان المتوسط هو 55 من 70.
ثانياً : موضوع المعدل التراكمي.... الجامعة وضعت شرط محدد واضح بخصوص المعدل... الشرط هو "أن لا يقل التقدير العام عن جيد".... عاد بغض النظر كم المعدل... طبعاً كلما زاد المعدل كان لمصلحتك ولكن مش مربوط برقم معين.
ثالثاً: نجي لموضوع الخبرات والدورات.... تركيز اللجنة كان على الآتي (وراح اعطيك الترتيب حسب الاولوية) : تخصص البكالوريوس ، الخبرة العملية ، الدورات .
بأعطيك مثال بسيط عشان تفهم الصورة ... لو أنا اعطيتك بروشور خاص بمعهد س ص ع... وبرشور ثاني خاص بمعهد ع ص س........... بالبروشور الاول ذكرت لك معلومات وافية وبالتفاصيل وذكرت لك انواع الخدمات كاملة بالاسعار وباوقات الدورات وأن الشهادات معترف فيها من جهات كثيرة ........... وبالبروشور تبع المعهد الثاني كتبت لك ان حنا معهد نقدم دورات تدريبية في تخصصات كثير للجنسين
انت بتميل لاي واحد فيهم؟ ..... المنطق يقول للاول... لانه ذكر تفاصيل كثيرة تعطيك تفصيل أكثر عن وضع المعهد وحسيت انهم ناس بروفيشنال......والمكتوب يبان من عنوانه وانا أخوك................ اللي ابغى أقوله ، ان سيرتك الذاتيه لازم تكون "مرآة" لكل حاجة أنت تعملها بالواقع ..... وبالتالي تكون قادر انك توصل أوضح صورة عن نفسك وعن اداءك وانجازاتك.
طيب نجي لموضوع الدورات ، أفضل الدورات هي اللي تساهم في تطويرك من ناحية الشخصية او من ناحية الاداء....وكلما كانت الدورات تخصصية أكثر يكون أحسن.
أغلب الدورات التخصصية تكون للاسف خارج المملكة..... ولكن لو ظروفك تمنع انك تاخذ دورة خارج السعودية ( ممكن جهة العمل ما تخليك تطلع دورات برا... أو ما عندك الاستعداد المادي مثلاً) ... في هالحالة لازم تشوف لك معاهد متمكنة جداً داخل المملكة...... وفي هالحالة اسمح لي ارشح لك : المعهد المصرفي ( تابع لمؤسسة النقد العربي السعودي) ........ طبعاً فيه دورات تخصصية ( وهذي تعتمد على مجال عملك)... وفيه دورات لا عادية .. يعني ممكن أي واحد ياخذها.... والدورات عندهم للجنسين وعادة تكون في الرياض وجدة والدمام.
أتمنى لك التوفيق مرة ثانية.... وكل الكلام اللي ذكرته انا كان من وجهة نظري الشخصية ( يحتمل الخطأ ويحتمل الصواب)... ولكن اعتبره رأي من الاراء.
|