شهـــــــــــــــــــادتي جديده ... .لعام 1430هـ
وسجلت بالنت فقط .. ولا ارسلوا لي رساله على جوووووووووالي ... ولا قالوا ارسل شهاداتك ولا يحزنووون
|
لا يا أخوي الله يرضى عليك
أنت مو تسجل في النت وتنتظرهم يقولون لك تكفى أرسل أوراقك
الحين دام سجلت قم بطباعة أوراقهم اللي يبونها بتحصل رابط عندك مجرد ما تضغط على طباعة بيطبع لك 5 ورقات صكة وحده تقول فارشين لك مية في الميدان <<< وش عنده في البلوت
إذا طبعتها بتحصل إسم معاليك فيها وكل ما عليك خطة قلم منك بالتوقيع معلناً موافقتك الخطية على مشاريعهم المتعثرة
وتروح باوراقك مع صورة من بطاقتك وصورة من شهادتك مختمة بختم الوزارة يعني ختم ازرق مو ختم مصور من الأصلية لازم ختم أزرق كأنهم معطينك هالشهادة ذي بالتحديد مو ذيك وصورتين لمعاليكم وإسم معاليك ورقم بطاقتك في الخلف
تروح للوكيل الحصري للجامعة اللي هو dhl وتقول يابه هسه أريدك تنطيها للجامعة وخلال 24 ساعة تكون وصلت هناك وبيطلع عندك في الملف حقك في الجامعة إنه تم إستلام أوراقك وشغلة يومين ثلاثة تجيك رسالة بالقبول المبدئي ولما تسددهم بيومين يرسلون لك موافقة نهائية وإنتظر عاد البطاقة الجامعة بعدين
يعني كل إجراء يعملونه بيطلع في ملفك على موقعهم موثق بالتاريخ حتى أذكر كان مكتوب في ملفي إنهم أشروا على أوراقي وهم واقفين <<< لا عاد إنقزها يا شيخ
كل هالرد بسبب كلمة إنك سجلت في النت فقط وذا سبب تأخرهم في الرد عليك
لو أرسلت أوراقك فإعتبر كلامي اللي فوق بربرة فجر لا ترد عليها