[Kaira]

رآآآئـــع . مـــآجد =)
ماشاالله تبارك الله كفيت ووفيت عن السنة التحضيرية ..
السنة التحضيرية تحتاج إلى جهد شوية أكبر من الثانوي واجتهاد ومزاكرة أول بـ أول خاصة الأحياء ..

بس كمان زي ماقالت m0o0na مالو داعي مدرسين خصوصيين في مواد التحضيري لأنها كلها إعادة حق الثنوي
فإلي أساسو ممتاز في مواد الثنوي زيي الماث والفيزيا والكيميا وحتى الأحياء لأنها تحتاج فهم قبل الحفظ
بإزن الله مايحتاج لمدرس خصوصي ^^
ممكن يستعين بملخصات خارجة زي حقت أشرف بركات للماث والاحصاء والفيزيا
كتيييييييييييييير بنات أستفادو منها خاصة في الاحصاء والفيزيا بس الحمدلله أنا ماكنت أزاكر من ملخصات عشان لا أشتت نفسي والكتب تكفي وتوفي بصراحة ..

فأنا أنصح للناس إلي تلخبط من الطرق المختلفة في الحل يختارو شي واحد للدراسة إما الكتب أو الملخصات أو شرح الأستاز مع انو شرح الأستاز أو الأستازة يكون نفس الي في الكتاب ..

الماث حاولو انكم تحلو تمارين إضافية غير إلي يأشروها لكم في المنهج وخلو الأستاز أو الأستازة تشوفها ..
وكمان التمارين الصعبة تقدرو تسألو الأستازة أو الأستاز في محاضرة حل التمارين
أو في الساعات المكتبية ( وهي الساعات الي الي يكون فيها الأستاز فاضي ويستقبل أسألتكم واستفساراتكم )

الفيزيا كمان ماتحتاج مدرس خصوصي لكن ممكن نستفيد مرة كتير من ملخصات خارجية وبرضو من محاضرات حل التمارين ..
المدرس الخصوصي ممكن نجيبو ازا كان الطالب من النوع الي يكون عندو صعوبة في فهم المسأل وتحليلها خاصة في مسائل القوة وقوانين نيوتن ^__^

الكيميا كمان ماتحتاج لمدرس خصوصي وأنا اشوف انو الكتاب كاااااااافي واااافي بالتمارين أثناء الدرس وتمارين الي بعد كل باب ،، وكمان تستفيدو من دفاتر الثنوي مرررررة كتير ..
حتى الانجلش حقت كتبنا كانت مرررررررررة سهلة وبسيطة والحمدلله لكن بس الي تحتاجو انكم تترجموه المصطلحات العلمية الجديدة ..

ممممــ ايش كمااااااااان
أيوة الاحصاء كمان حلو بس كمان يحتاج أفكار وتدريب على دي الأفكار
الاحصاء يعتمد على التركيز وتشغيل المخ مرررررررررة كويس ودراسة أول بأول عشان لا تتلخبط في الدروس ..

باقي المواد زي ماقال د.ماجد وكل الي شاركو بردودهم الحلوة ..


آسفة على ردي الطويل المستطول ^^"
تقبلو مروري وردي المتواضع
Kaira