[بنت الخبر]

شوفوا يا جماعه
اختبار القدرات والتحصيلي فكرته حلوة
لكن لو البنات يحصلون لهم نفس فرص العيال .. ممتاز
هذا آولا

.. ثانيا .. ( وهو سببي لتأييد هذا النوع من الاختبارات )
الطلاب ماينقسمون بس الى نوعين
فيه منهم انوااع كثييرة
فيه نووع يصم ويحفظ كلمه بكلمه وحرف بحرف ويجيب نسب مرتفععه وهذا اسمحولي لايقدم ولا يأخر لو تغير عليه كم من كلمه بالسؤال ضااع
وفيه نووع نشيط ويذاكر ويحصل درجات قريبة من الفل مارك بس مشكلته اذا تراكمت عليه مايجمع ..نقدر نقوول عليه مجتهد
وفيه نوع ذكي وفااهم بس لطيشه في هالمرحله بس..يمشيها مذاكرة اي كلاام سلق بيض بس يجيب درجات واحد مجتهد على آقل تقدير
وفيه نووع مثاابر يذاكر ونسبته عالية وذكي بس اللي خانه في القدرات والتحصيلي انه ماتأسس صح من البداية _وهنا عتبي على اهله خساارة من جد _
بمعنى انه فااهم انه الدنيا كلها ثانوية عامة وبس ماسك كتب المدرسة ومقطعها من هو بالابتدائي وهذا توجهه الكامل
لكن .. مااخذ دورات ماطور نفسه بنفسه نسي الثقافة العامة واللغات والاخبار مالقى آحد يوجهه هالتوجه لا تقولون مالها دخل بالعكس هذي كلها تصقل الانسان وتنمي طريقة تفكيره .. هذا هو النوع اللي أنا أأسف عليه بصراحه

بتقولون هاذي ايش عندها تتفلسف ؟!
وايش دخله بالقدرات ؟

اقوول انه القدرات و التحصيلي والنسبة الموزونة تعطي نسب عادلة الى حد كبيير
احنا مانسعى بالدرجة الاولى للآعلى رقما في نسبة الثانوية لأنه ليس وحده مقياس عاادل
ولا ودكم أغلبية الطلاب في الجامعه تكون من النوع الصمام ؟؟ ساعتها نروح في داهيه
ابغى اقوول

الله ماكتبلك شي الا وفيه خيرة لك
ولا تشيل هم لأنه ما يصح الا الصحيح
والمبدع يبدع أينما كان
والعبقري هو اللي يتأقلم مع وضعه ويفكر بإيجابية
والنجاح مو مرتبط بجامعة معينة او تخصص معين

اي نعم كان حلمك تخصص معين لكن .. قدر الله وماشاء فعل
خلاااااص نجلس نسب ونسخط في القدرات ونقول انه احنا ضعنا

نصيحتي لنا جميعا
نشد من حيلنا ونفكر بايجابية
ونبذل الاسباب واللي كاتبه لنا ربنا بيصير

انا ماآقول هالكلام من فراغ لكن من واقع تجربتي الشخصية
واللي اسمعه حوولي من الطرفين

وعذرا عالاطاله
واتقبل آرائكم بصدر رحب ==>> قلتها عشااني من القليليين اللي يايدوا القدرات ==>> خاافت خخ

وشكرا..