عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 26-07-2010, 04:46 AM   #5

dr.CILIA

جامعي

 
تاريخ التسجيل: Jul 2008
التخصص: طب وجراحه
نوع الدراسة: إنتظام
المستوى: متخرج
الجنس: أنثى
المشاركات: 390
افتراضي رد: رحلتـــي باختصار!!

المشاركة الأصلية كتبت بواسطة د. أسامة مشاهدة المشاركة
ما شاء الله تبارك الله ،،

أنا قريت الموضــوع زمان ،، و و للمرة الأخرى قرأته من أول رد لآخر رد قبل قليل ،،

أعجبتني صراحتك في ذكرك للأحداث و الوقائع ،

و أغلب الأسئلة اللي في بالــي تمت الإجابة عليها ،،

بارك الله فيك ،،

بس حبيت أســألك عن الساعات المكتبية ،، يعني مثلاً هل الدكاترة دائماً يحطوا ساعاتهم المكتبية فقط في أثناء دوام الطلاب في كلاساتهم و لا هناك أوقات يكون فيه الدكتور في مكتبة خلال البريك أو بعد انتهاء دوام الطلاب ؟ ،

لإن الساعات المكتبية تعني لي الشئ الكثير ،، ^_^ ،،

و كمان سمعنا كلاااااااام كثير عن الرســوب ،، أتمنى تقولي لنا عن إستراتيجيتك التي تمنعك من الوقوع في براثــن هذا الغــــول في السنوات الأخيرهـ ؟!.

اهلا من جديد
حكاية الساعات المكتبيه مو دايما ماشين عليها يعني الغالبيه يكونوا موجودين اغلب وقت الدوام في مكاتبهم وحتى اوقات البريك يعني الدكاتره متوفرين الله يجزاهم خير بس الموضوع ممكن صعب لدكاترة المواد الاكلينيكيه لأن عندهم عيادات وعمليات وغيره تشغلهم فممكن تلتزم
بالساعات المكتبيه..

طبعا مع نظام التدريس والامتحانات الجديد نسبة الرسوب اتوقع انخفضت كثير بالنسبة للسنوات الاولى النظريه
ولكن تبقى كما هي في السنوات الاخيره(الكلينيكال) لانه النجاح يعتمد اكثر على اداءك العملي
يعني في الامتحانات النظريه اللي يحكم هو مذاكرتك ومستوى الاسئله مايبغالها ذاكرت=حليت ولو ماذاكرت انت وحظك.
اما العملي يعتمد على:
1-انت وضبطك لنفسك واعصابك وسرعة استحضارك للمعلومه وطرحها بطريقه جيده.
نقطه جدا مهمه على الاقل في يدك تحكم بيها على نفسك وهذي ماحتجي من اول مرره يعني مثلا اول اختبار عملي تدخله يختلف عن اخر اختبار كل مره انت تتعلم ايش النقص اللي عندك وتصلحه سواء في الاسلوب او الطرح واللي يساعد على التغلب على هذي المشكله انك تتدرب على الالقاء وعرض الحالات ومناقشتها مع الدكاتره طول السنه هذا يخفف عليك مرره وقت الامتحان..

2-المريض اللي قدامك وهل هو متعاون او لأ.
عاد هذي المساله تعتمد على حظك ودعاء الوالدين جدا مهم لتجاوز هذي المشكله.لانه بعض المرضى تدخل لهم وهما قافلين خلااص اما من مرضهم او عشان عدى عليهم كم واحد قبلك هما كمان ماينلاموا الله يكون في عونهم...

3-المرض نفسه هل انت غطيته في المذاكره وقد ايش معلوماتك عنه.لأنه دايما الاختبارات العمليه مالها وقت للمذاكره فما تلحق تخلص المنهج بس الحلو ان الامتحانات من الحالات اللي منومه في المستشفى والدكاتره كانوا يقولولنا مروا على الاجنحه وشوفوا ايش الامراض وذاكروها بس اللي يحصل دايما اننا نغطي كل الامراض الموجوده لكن الاسئله ماتجي ابدا من اللي غطيناه وممكن الدكتور يوجه الامتحان على كيفه ويطنش دا المرض بالمرره!!

4- الممتحنين وما ادراك ماالممتحنين وهذول يعتمد عليهم نجاحك او رسوبك بعد ارادة رب العالمين وهذي المساله اللي مانقدر نتدخل فيها ابدا لأنه اختيار الدكاتره عشوائي وكمان ممكن تدخل على اطيب دكتور على وجه الارض بس يكون مزاجه مو رايق فرحت في خبر كاان وممكن تدخل على انيل دكتور ويكون طيب معاك بس انت تدخل مرعوب فيضيع الامتحان منك وهذي تحصل مرررررره كتييير.

الشغله ممكن تكون مكلكعه شويه بس يمشي الحال

اعتذر على الاطاله بس ماقدرت اختصر اكثر من كدا

الله يوفق الجميع

 

توقيع dr.CILIA  

 

 

dr.CILIA غير متواجد حالياً   رد مع اقتباس