نعـــم للأسف
.. مافــي تقدير لمشــاعر الناس اللي ذبحها الجوع والسهر و البكــــاء أو الناس اللي بتعيش في غربة مثلي لأني بجي من الشرقية ،أو أو أو ... عشـــان بس تسمع خبر موثوق تحيي أمالها على الأقل في القبول أو في أي موضوع نطرحه >> ملاحظة: لحد يطلع لي ويقول من حقنا نفرح يا خي وإلا حاسدنا
..إلخ
معك حق أفرح وعليك بالعافية ومن حقك ، لأنك خطيت الخطوة الأولى في بقائك في الجامعة وأمنــّــت على مستقبلك وبالتــوفيق للجميع للي أنقبل واللي يحترق عشان يسمع خبر صادق ينعش في آماله ,,.. (بس) على الأقل قــدّر مشاعر الناس اللي أنظلمت في القدرات أوالناس اللي أهاليها كانت حاطة أمالها عليهم .. للأسف أقولها للمرة الثانية ، حتى الجامعة أدق عليها (خلص شحن بطارية الجوال ولا أحد رد
) وناس غيري أتصلوا عليهم وللأسف لا يوجد رد ..
يا أحبائي في المنتدى من القائمين حتى الأعضاء الجدد .. خلونا متعاونيين ، وأنا بصراحة ما أقول أنكم قصرتوا بس لابد من المزيد لأننا في الأخير نخدم بعضنا البعض .. مع العلم أن موعدي أنا يوم الأربعاء الجاي و معدلي 85.55 و أسمع ناس تقول أنت انتظام وناس تقول لا ، بس ، اليــوم بـ دق السلف حق الموتر وبرووح للساحل الغربي ولا أدري وش بصير لي .. بس إن شــاء الله متفائل و بأنشر التفائل بين أخواني الأعضاء اللي على أعصابهم >> بس والله ترا على أعصــابي
فــيا ليت تحســوا فينا على الأقل والله أنك ما تدري بخبر بسيط تفرح لك ناس ويمكن يكونون باب التوفيق لك في الجامعة عشان دعوة خير منهم لك .. فلا تخلو صفــحة المنتدى كئيبة وحزينة (و) ناس تفرح وتهلل
.. لازم نحس بعض
و إن شــاء الله تكون السعادة عنواننا في الدنيا والآخرة
و والله أني أتمنى الخير لي ولأخواني وأخواتي اللي في المنتدى .. وترا كل الكلام اللي قلته أنه من ضمير صادق مع نفسه ومعكم .. وكلام إرتجالي لا فيه فلسفة ولا تنميق .. بس حبيت أحيي رووح الأخوة في المنتدى عشــان ما نخســـــر بعض في هذا الوقت الصعــيب وفي المستــقبل ..
لـــــكم مني كامل الــــود والمحبـــــة