اوه رحت الجامعه
والشغلة كلها الكترونية
وبعد تطفيشهم وروني بالحاسب انو مايقبل اسمي لان يومي هوا السبت
وقلت لالا ابغا المسؤول الكبير هنا ورد عليا عدنان سكر انا المسؤول ايش فيه
وورانا المشرف اللي اسمو سكر ههههههه ورقة خاصه مكتوبه بيها النسب
يوم الربوع اخر نسبة 4,63 حيقفل عليها السيستم
بس اللي ريحني اني مقبول السبت الحمد لله من الورقة الخاصه اللي معاه
وانا معاه جا راجل اداه تلفونه (للمشرف سكر )وقلو كلم وقال للي يكلمو انتي ع عيني وراسي بس ما اقدر اساعدك
كبر بعيني مو حق واسطات
وكنت بسالو كام سؤال بس مديري اتصل وطلبني ارجع يبغاني
المهم سالو واحد ان اختو انقبلت بالفرع وتبغى طب قال ( بنات الفرع ما يدخلو طب يتخصصو بالفرع !!)
وسالو واحد قلو لو دخلت رابغ وابغا هندسة قلو ما حتتخصص الا بهندسة رابغ !!!!
انا مشيت عشان ما اتاخر ع مديري
بس حبيتكم اقلك يالبنات عن اللي سمعتو ( بس اللي سمعتو مو بنيتي احطم او اجيب شي من عندي )
وانتو استفسرو وان شالله ما يكون كلام صحيح
والله يسرها لينا وننقبل كلنا