[lujain.alsagh]

المشاركة الأصلية كتبت بواسطة ulquiorra360 بسم الله الرحمن الرحيم كثير من الناس تقول الجامعة ليش ماتقبل أكثر عدد من الناس و إلي يستنى فرز تاني و يقول المشكلة من الجامعة ما وضحت و العميد مدري إيش سوى للأسف نحنا نحط المشكلة في الناس الغلط و نحط الأسألة الغلط دائما نحنا ليش نسأل الجامعة متى تسوي فرز تاني مو المفروض نسأل الجامعة ليش مايكون في فرز واحد يحوي جميع الطلاب كدا حتوضح المشكلة فين المشكلة في الطلاب نفسهم إلي يقدمو في الجامعة و خصوصا أصحاب المعدلات العالية الطالب صاحب المعدل العالي يقدم في كل مكان و هوا عارف إنه مقبول في كل مكان جميع الجامعات بعثات الملك بعثات الشركات لكن في النهايا هوا مقبول في مكان واحد و أنا اعطيكم اقاويل بعض من الطلاب من دا النوع مع العلم إنهم من أصدقائي اول واحد قدم في سابك و قدم في بعثات الملك و قدم في بعثات أرامكو وقدم في جامعة الملك عبد العزيز و قدم في جامعة الملك فهد و قدم في جامعة الملك سعود و بعض الكليات و أنقبل في كل مكان و في النهايا قال مافيا للسفر و راح موعدو في جامعة الملك عبدالعزيز و التاني قدم في سابك و و أرمكو و قدم في جامعة الملك عبد العزيز و جامعة الملك فهد و أنقبل في كل مكان و في الأخير راح موعدو في جامعة الملك عبد العزيز و أخد البطاقة و عندو مقابلة في سابك و إدا انقبل حيسحب على جامعة الملك عبد العزيز ـــــــــــــــــــــــــــــــــ دحين لسا تقولو المشكلة من الجامعات لو كان كل طالب قدم في الجامعة إلي هوا حيروحلها و إلي هوا مفكر فيها كان 90% من الطلاب المتخرجين مقبولين في الجامعات و الكليات ولا كان في فرز تاني وثالث صدقوني في المئات من أشكال الطلاب إلي ذكرتهم و طبعا حتقولو إيش الحل في حلول كثيره ممكن تسويها وزارة التعليم العالي إنو تحدد لطالب 3 جامعات فقط يقدم فيها و كدا و الموضوع للنقاش بينكم و حاولو تضعو الحلول المناسبة لعل وعسى توصل للمسئولين

كلامك عين العقل

بس الوضع كدا :)