رد: الدراسه في الانتساب بدون موافقة العمل
هلا اخوي برنسيس
الله يلوم اللي يلومــــك ....
انت نفس وضعي تقريبا ^_^
انا معلم جديد ولله الحمد
وترشحت هذي السنه وأباشر الدوآم العيد الجـآي ...
تخصصي دبلوم طبعا <--- مختبرآت
وحبيت أدرس انجلش وأحسن مستوآي وأحول إنجلش
تدري الطموح مآلـه حد لكن بعض القوانين تقعد لك !
المهم اتصلت على ادارة التدريب التربوي
وقال لي مديرها بالحرف الواحد انت معلم جديد
أقل شي تدآوم سنـه عندنا بعدين نعطيك موافقة !
وانا انسان مابي أتاخر لحظه عن الدرآسة
وأنت عارف كل ساعة تمر من العمر محسوبة علينآ !
زميلي له 11 سنه كل يوم يقول بكمل بكره
تخيل هالسنه قرر والحمد لله سدد وقبلوه !
::
الزبده كلمني رجال بالاداره الله يجزاه خير
قال ياعمي روح أدرس وخلص وضعــك
ومثلك كثير بدون موافقات ( لكن مدارائهم زي العسل )
و فترة الاختبارات اطبع الجدول لمديرك وأكيد بيتفهم وضعـــك ..
لكن نظاما ممنوع أطلع من عملي لأنه ماعندي موافقة !
و قال لو ماتساعد معك مديرك مرني فمكتبي وماعليك احنا نمون عليهم
وهالشي اللي ريحني وقدمت وارسلت اوراقي أمس وباقي توصل وأسدد ....
وقال خلص أول سنه بعدين طلع الموافقة ... وارسلها للجامعة
ويآدآر مادخلك شر ..
بس لو كملت دراستي كلها بدون موافقة
الوزارة ماراح تعترف بشهآدتي <--- علشان كذا الموافقة مهمه لنا احنا المعلمين
لأننا نحتاج الشهادة لتحسين مستوانا بنفس مجالنآ ( وضروري موافقة ادارة التعليم على تكميلك )
لكن انت دامك بتغير مجال عملك مو بنفس الكهربآء وبتدور وظيفة أفضل
يآرجآل سجــل ولا يهمـــك
وحاول تكون سياسي مع مديرك وتودد له
لأنه بعد الله كل الأمور بيدهـ ... حاول تكسبه بأي طريقة
حاول تكلم أي شخص يمون عليه ويفضل شخص كبير او في مستوى عمره
::
علما اني بالرياض ومسجل بجامعة عزوز
^_^
أتمنى أفدتــك
|