[نوره الغامدي]

المشاركة الأصلية كتبت بواسطة غلا امي وابوي يكفيني نوره حبيبتي ممكن أسألك كيف كنتي منظمه وقتك بأيام الدراسه >>> طبعا اذا حسيتي ان فيها تدخل ولقافه انا اسحب سؤالي لان انا مو ذاك الزود في الانقلش وحابه ادخل دوره مع بداية الدراسه بما ان الدراسه كلها انجليزي بس مو عارفه كيف انظم وقتي في المذاكره وروحتي للمعهد محتاجه اشوف اسلوب مذاكراتكم >>>اتمنى تساعديتي.... >>>مسويه فيها مستعجله على الدراسه يعني اني دافوره

اسألي وخذي راحتك عزيزتي ... لاااا يردك الا كيبوردك


انا الله يسلمك ويحفظك كنت اذاكر أول بأول ....


يعني مثلاً اليوم اخذت محاضرة احياء وكيمياء ارجع البيت اراجعها وافهمها واذا كان فيه تمارين احلها


عشان اذا طلع لي سؤال او فيه نقطه حست فيها اروح اليوم الثاني عند الاستاذه وأسألها


او اكلم صديقاتي الشطووورات الفاهمات واخليهم يشرحولي




وهكذا دواليك >>> يعني انا ما احب اراكم الدروس على بعض


احب يكون كل شي مرتب و واضح بالنسبه ليا ,.,.......


خميس وجمعه اذاكر فيها كل محاضرات الاسبوع واحاول اركز على الاشياء الصعبه


والاهم من هذا كله اني اخترت صديقات طيوووبات ومجتهدات وصرنا نذاكر سوا ونشجع بعض


و نوقف بجنب بعض فـ كل الاوقات


والاروع من كذا اننا كللنا كنا يد وحده وكنا ننظم الوقت ونعمل جدول مذاكره وفعلاً نلتزم بالجدول


يعني مثلاً نقول (( اليوم احصاء وبكرا العصر احياء والخميس نكتب التعبير حق الانقلش و .... )


و زي كذا على مدار الايام



كمان كنت اشوف النماذج حقت الاختبارات وبالأخص (( الاحصاء )) لان نماذجه مررره كويسه


وافكارها تقريباً نفس افكار الاختبار ,,,,


وقبل الاختبارات الدوريه او النهائيه كنت اذاكر المواد من قبل اسبوعين او اكثر عشان انظم افكاري


واعرف وش السهل وش الصعب !! ومثل ماقلت لك اذا عندي اي سؤاااااال على طوووول اروح عند

الاستاذه وأسأل على كيفي واذا مافهمت ارجع اسأل لييييين تثبت المعلومه




ولا تخافين من الانجليزي ترا المواد سهله وعاديه حتى لو باللغه الفرنسيه


صدقيني راح تتعودين عليها وراح تحبينها .....


يعني انا شايفه اغلب اللي مانجحو يحطون العيب فـــ الانقلش !! وهذا الكلام مو صحيح ..


لان كثير من البنات اللي اعرفهم مو بلاااابل بالانقلش بس ماشاء الله درجاتهم فوق 90


انتي سوي اللي عليكي وشدي حيلك ولا تهملي ابد وحاولي انك ماتختلطين بالناس اليائسين المحبطين


لانهم راح يعكرو مزاجك ويخربو عليكي شغلك



والاهــــــــــــم من هذا كلللللله توكلي على الله وتفائلي خير وخلي عندك عزيمه قوويه



موفقه اختي