اختي ايمو24 السكن هذا فين مكانه ممكن اروح اشوفه؟؟ وان كنت خايفة مايكون مريح عشان الاطفال
اما بالنسبة للشقة انا من زمان نفسي في سكن هنا اريح لي وممكن اهلي يزوروني لأنه دايما رجلنا على جدة
ثانيا انا لي اخت هنا ممكن هي او اولادها يطلوا علي ما يحتاج اذن زي السكن
ثالثا بالنسبة للمواصلات انا عندي ارقام سواقين هنا ممكن يوصلوا بالمشوار اغلبهم سبق وجربتهم ناس تبغى تشتغل وفي حالهم والامان بالله
اما بالنسبة للشقة فأنا دورت كثير لكن الله يسهل هذه وتفضى في حي النسيم
عمارة جديدة وراقية واهم شي صاحبها ن شاء الله انه محترم وساكن فيها دخلتها مرتين لا في صوت ولا رجل كثير داخلة خارجة قريبة منها بقالة وقريبة من الشارع العام و5 دقايق عن الجامعة
في غرفتين وصالة مرة حلوة كبيرة وحمامين ومطبخ بـ16000 وغرفتين بدون صالة وحمام ومطبخ بـ 14000 ممكن يرخص هذه شوي
ما اعرف اذا تفضلي عشان ممكن لو زوجك عنده اجازة وحاب يزوركم وكمان تنفعك للاجازات