[سلطان زمانه]

كلمات : مهندس الكلمه بدر بن عبدالمحسن



يطيح جفن الليل وأهز كتفه * نجم يفز وباقي الليل مطفي

وأحاكي الجدران عن مثل غرفه * ماتشبه الجدران ويطول وصفي

وتتثاوب الجدران وأظهر لشرفه * تحت السما وأسكر الباب خلفي

ريح تهب وتسكن العظم رجفه * وتموت ريح وتسكن أوراق نزفي

فوق الفيافي تهطل دموع وطفه * وتصب لمع بروقها وسط طرفي

ياطاري الغدران والعمر رشفه * مع قلها ياليتها يوم تصفي

ليت الشوارع تجمع أثنين صدفه لاصار شباك المواعيد مجفي

الحب واجد مير الأقدار سلفه * والأرض واجد لكن العزم منفي

واللي أعرفه راح مانيب أعرفه * ولا عاد يذكرني الا أقلبت مقفي

ماهو حبيبي مورد القلب حتفه * ولا هو حبيبي يفرح بوقت ضعفي

مر ثمر هالليل وأمر قطفه * يالحنظل اللي صرت أذوقه بكفي

وهذا تو الليل ماراح نصفه * وياليل بعض اللي مضى منك يكفي