السلام عليكم
وبما انو اتسمح لينا نتكلم عن تخصصاتنا
انا كمان حابه اتكلم عن تخصصي
الي الاقي صعوبات كثيره عشان يتقبلو الناس
وهوا كلية العلوم الطبيه قسم التمريض
الي بصراحه بصراحه لو اتكلت لاخر عمري عنوه
ماحوافيه حقوه
لانو قسم انسسسسسسسسسسساني مره مره
نساعد الناس المحتاجين فعلا مساعده
هذا طبعا لو الواحد راعا الامانه
انا بالبدايه كنت رافضه المسمى رفض بات
وحتى بحياتي ماكنت اتوقع ادخله
ولو تتخيلو انو وانا صغيره
كنت اقول لواندفع ليا ملايين ماراح اكون ممرضه بحياتي
وماكنت مقتنعه ابدا ابدا بيه
جبت ولله الحمد معدل مره كويس بالثانوي
وطبعا طموحاتي من انا صغيره اكون دكتوره
الي صار
انـــــــــــــو
لمى صار فيه اختبار قدرات طبعا اجتزت فيه
لكن ماهلني اني ادخل طب
دخلتني الجامعه الرغبه الثانيه الي كانت تمريض
طبعا كان فيه رفض شديد من الكل
ومني انا كمان بس بالمقابله الشخصيه
كلمتني وحده من الاستاذات عن القسم
وقالت انوه فيه امكانيه للتحويل لو جبت امتياز
وطبعا صار ضغط مره كبير عليا عشان اجيب ممتاز واحول طب
وانا كمان كانت ليا رغبه في التحويل
لكنومن خلال دراستي لهذا المجال تعلقت فيه كثير
وعرفت ان التخصص هادا انساني قبل لايكون مهنه راح امتهنها
وانا من طبعي احب اساعد الناس حتى لو على نفسي
وبالنسبه لدراستي ماتختلف عن الطب الا باشياء بسيطه جداً
وتقريبا الي يدرسو ندرسوه بس اقل منهم
التمريض بصراحه وان كان مو ملاقي قبول في المجتمع السعودي
لكن شئ انساني ويحتاج شخص يكون حنون وصادق
عشان اكثر تعاملاتها مع البايشن
الشئ الحلو
انوا لمى تتخرجي من الجامعه
الوظيفه موجوده
تعرفون النيرسينغ السعوديات قليلات
وغير هادا كله
النيرس الي مو سعوديه غالباً يتعاملو مع المرضى بقساوه
طبعا مو الكل البعض
وغيروه
حكون ممرضه غير يعني مو زي خريجين المعاهد
يعني معايا بكالوريس
طبعا سنوات الدرسه خمسه مع التخصص
والشئ الحلو
انو البراكتيس عندنا من ثاني سنه
يعني السنه الثانيه تطبيق
انا الان ادرس مواد عامه كمستري فيزكس
بايو وغيرها
بس السنه الثانيه جدا جدا جدا صعبه زي ماقالولي
اوتمنى اعدي فيها وتكون سهله وميسره
نحنا دحينا بدئنا اختبارات والله يوفق الجميع
بوجهة نظري
الدراسه بكل انواعها صعبه
بس برضو لازم نعديها
والي يدخل الاقسام هادي
بجد لازم يتخلى كثيييييييييييييييييييييييير
حتى عن البريك
لانو الدوام من تمنيه لمى اربعه او تلاته
والاختبارات جدا جدا معقده
هادا كل الي عندي
ادري كثرت كلام في اشياء مالها داعي
بس بجد بجد
اتمنى ينرفع مستوا التمريض السعودي
وانو يلاقي قبول في المجتمع
واهم شئ
تتقبلو ماي فاميلي
واي استفسار عن هادا القسم انا مستعده استعداد تام للمساعده بكل ماقدر ان شاءالله
amoaaj9@hotmail.com