[تفاصيل]

هلا والله بـ روح ..~
مبروك ماجاكم ويتربى بعزكم ان شاء الله ..

اول شي زي ماقالت فوشا انتي تقولي انا اعطيه مويه 24 ساعة ، اللي اعرفه ان البيبي مايعطوهـ مويه كثيير لانه تسبب له مغص ، ولد اخوي اصغر من اخوك بـ 3 ايام ( الله يحفظه ) ، لما يعطوه مويه احياناً بس يمسحوا على شفايفه وينقطوله في فمه ونادراً مايحطوله في الرضاعة ويخلونه يشرب شوي .. ( وممكن يكون هذا السبب )
او ممكن يكون نوع الجليب الصناعي اللي تعطونه ، معروف انه افضل نوع حليب هو ( اس 26 ) اظن اسمه كذا لانه الحضانة في المستشفى يستخدموا هذا الحليب ..
او انكم ماتكفونه <<"" مصطلح عندنا ان شاء الله فهمتيه "" بعد مايرضع ، يعني تخلوه على بطنه يدك اليمين تحت راسه واليسار على باقي جسمه او العكس او بيد وحده عشان تقدري تمشي يدك على ظهره زي المسح يعني هالحركة تريح الطفل كثيير خصوصاً بعد مايرضع ، واذا ماسويتوه حيجيه مغص و ترجيع ( الله يكرمك ) ..
و هذا والله اعلم ، .. وطبعاً زي ماقالوا الاخوان ودوهـ عند الدكتور افضل ، والافضل انه يكون دكتور حديثي الولادة ، واذا بغيتي دكاترة معروفين من عيوني ..
ماعليه شر ان شاء الله ..