[redbutterfly]

السلام عليكم ورحمة الله وبركاته
كل عام وانتم بخير ورمضان كريم علينا وعليكم يارب

انا انقبلت انتظام علمي خطة أ في الشرفية وسجلت في سكن الشرفية ويوم ماجيت اسجل اعطوني ورقة
فيها العنوان والاوراق الي طالبنها مني يوم 8-10

1- البطاقه الجامعيه
2- صوره كرت العيله
3- صورة شهادة الثانويه
4- صورة من شخصيه الوكيل اللي حيستلمني

بس هادي الاوراق ولا طلبوني كشف طبي ولا اي حاجه !
وبعدين شفت في موقع الجامعة طلبات غير

الأوراق المطلوب تقديمها من قبل الطالب للتسجيل في السكن الطلابي:

- إستمارة التسجيل الخاصة بقبول الطالب في الجامعة ( مرفق صورتين منها ) او بطاقة الجامعة مع صورة منها . - بطاقة الاحوال ( مرفق صورتين منها ) لمطابقتها مع الأصل واعتماد الصور بموجبها . - عدد ( 6 ) صور شخصية ملونة بالطالب. - عدد ( 2 ) صورة من شهادة الثانوية العامة + صورة من حسن السيرة والسلوك للطالب . - إحضار الكشف الطبي للطالب والذي يفيد ان الطالب لائق صحيا للدراسة وخالياً من الامراض المعدية او الامراض التي تتطلب رعاية صحية - تسديد رسوم السكن عن كل فصل دراسي مبلغ ( 1000 ) . - تسديد مبلغ التامين لمرة واحدة مبلغ وقدره ( 500 ) ريال .

ولا هادي بس طلبات الاولاد والبنات ليهم طلبات غير وانا ماني عارفة محلها بالضبط !!!

السؤال التاني لو كانت للطلاب والطالبات بالنسبة للكشف الطبي ياجماعة انا لما جيت اقدم
على عبد العزيز ماطلبو كشف طبي وماعملتوو
ولكن انا قبل كدا قبل ما انقبل في عبد العزيز لما جيت اقدم في ام القرى كانوا طالبين كشف طبي وسويتو ف بما انو انا انقبلت في عزوز الكشف حق ام القرى موجود عندي
ف ينفع اقدموو للسكن هنا في جدة ولا لازم يكون الكشف حق عبد العزيز ؟؟؟؟؟؟

ولو كان لازم استمارة الكشف الي اقدمها للسكن تكون حقت عبد العزيز من فين اطبعهااااااآآآآآ ماني عارفة من فين الاقيها وينفع لما اطبعها اخد الكشف حق ام القرى واروح للمستشفى واخليه
يعني يرجع يكتب الي كاتبه في كشف ام القرى في كشف عبد العزيز ولا اسوي كشف من جديد
معليييييييش دوختكم بالحوسة دي

وأخيرا وليس آخراً بس اخر سؤال والله معليش
بالنسبة لسكن الشرفية والخدمات ......

الخدمات المتوفرة في الإسكان الجامعي:

- حافلات مجانية بين السكن الطلابي والجامعة من الساعة السابعة صباحاً وحتى الساعة العاشرة مساء . - مطاعم مجهزة تقدم وجبتين يوميا تحت إشراف إدارة التغذية. - ملاعب تعمل تحت إشراف مدربين مختصين. - معمل الحاسب الآلي . - نادي السكن الطلابي . - صالات رياضية وترفيهية وقاعات للمطالعة. - خدمة الانترنت المجانية . - طبيب مناوب في الفترة المسائية.

الخدمات دي بس للطلاب ؟؟ ولا طلاب وطالبات ؟؟
و لو كانت للأتنين الخدمات الي في سكن السيلمانيه نفس الخدمات للي في الشرفية ؟؟؟؟؟؟؟

وبــــــــــــــس وسوري تعبتكم معااايآآ ويآرب يجعلو في موازين حسناااتكم