[lofa]

السلام عليكم
شوفي يا اختي انا خريجه من قسم المايكرو
القسم حلو وممتع
دراستو مرررة حلوة
لو حتسألي ع التوظيف بعد التخرج اقولك ما اعرف واتوقع الوظايف المتعلقة بالقسم قليلة
ولكن لو انتي حابة القسم ادخلية مواد القسم سهلة غير معقدة
دكاترة القسم كويسين الا نادرا
عندك دكتورة سناء ترك (حبوبة واسئلتها سهلة وشرحها حلو بس اقعدي دايما قدام لانها تركز اكتر وتتناقش اكتر مع اللي قدام )وماجده علي(تعطي ماده بكتيريا ) وابتسام البستاوي(تعطي ماده بيئة ميكروبية ) ونيفين(ماده بيئة ميكروبية وفسيولوجي احياء دقيقة ) كلهم كويسين واسئلتهم سهلة و دكتورة زينب المديفر(هذي الدكتورة خطيرة تعطي ماده فيروسات في بنات كانو ما يحبو محاضرتها لانها تاخد كل الوقت وتشرح كتير لاكنها رائعه وتفهمك مزبوط وكتير يقولو اسئلتها فيها لف ودوران بس هدا الكلام مو صح اسئلتها حلوة لو زاكرتي هدا كلو غير انها متواضعه جدا وخدومة واخلاقها عسل )
دكتورة نجاح كمان كويسة واسئلتها سهلة اعطتني طحالب وجنرال مايكرو بايولوجي
دكتورة صباح لنجاوي ( تعطي ماده بيولوجي خلية وكمان بيلوجيا جزيئية كمان طيوبة الدكتورة واسئلتها سهلة جدا)
يعني باختصار الدكاترة اغلبهم طيبين والمناهج حلوة لو زاكرتي مزبوط
الاحياء زي ما يعتمد ع الفهم يعتمد كمان ع الحفظ لازم لو داخلة القسم دا تعرفي انك حتحفظي كتير
طبعا المعامل مرررة سهلة تخلصي بسرعه فيها شغلها حلو ومسلي واساتذة المعامل اغلبهم حبوبين وطيوبين .....
في مواد تانية حتاخديها زي الوراثة والطبية (المرضية ) واغدية وماده مناعه وامصال وتلوث
طبعا هدا كلو في المايكرو ما اعرف عن الاقسام الباقية ف الاحياء لو حابة تتخصصي ف قسم تاني بالاحياء زي النبات او الحيوان انا ما عندي فكرة عنهم
والله يوفقك واتمنى اني اكون افدتك