أول شي يا بابا فيه فرق كبيييييييييييييييييييييييير بين الهندسة والصيدلة
الهندسة بتدرس فيها رياضيات وفيزياء أما الصيدلة فتدرس فيها أحياء وكيمياء
ثاني شي يا حبيبي , الصيدلة تعتمد أكثر شي على الحفظ , والكيمياء والأحياء هما وجهين لعملة وحدة يعني ماتقدر تقول نو دراسة الصيدلة تعتمد بشكل أكبر على الكيمياء .. لا الكيمياء والأحياء مع بعض سوا سوا تعتمد عليهم دراسة الصيدلة
والدراسة عندنا 6 سنوات مع التحضيرية ولو حاب تكمل ماستر حتدرس سنتين , أو ثلاثة إذا تبغى تكملها برا
وبالنسبة للقطاع الوظيفي إذا انك تبغى تشتغل في مستشفيات حتشتغل كصيدلي إكلينيكي يعني حيكون دورك انك تتابع المرضى وترسم الخطة العلاجية لكل مريض وتتابع اذا في تطورات لحالة المريض وإذا الخطة اللي رسمتها له ما نفعت تحاول تتدارك وضضعه وزي كذا
وإذا انك ما تبغى تشتغل في مستشفيات ففي عندك مجالات كثييييييرة زي المصانع أو هيئة الغذاء أو مدري إيش (ماعندي خبرة الصراحة في الشغل اللي غير المستشفى)
أما الرواتب فأنا أقلك عن المستشفيات يعطوك أو ما تتخرج 11 على الأقل وبعضهم يعطوك 13 حسب المستشفى
وبالنسبة لسؤالك الأخير فما عندنا شي اسمه أترام صيفية لأن نظامنا نظام سنوات زي الطب , بعد سنة ثالث ورابع تدريب صيفي إازامي لمدة شهر
وفيه شي حاب أقولك عليه هو انو الصيدلة مجال جدا مرغووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووب ومطلوب في السوق ليش؟؟ .. لأن الصيدلي الإكلينيكي يعتبر عالم ودكتور متخصص تخصص كامل في علم الأدوية فبالتالي يحتاجوه للحد من الأخطاء الطبية اللي بتسير عندنا بالهبل هنا في السعودية , لأنو ترا حوالي 70% من الأخطاء الطبية بتسير بسبب الأدوية
بس للأسف على الرغم من انو للصيدلي أهمية كبيرة إلا انه للأسف مظلوم من الشعب , لأن أغلب الشعب يحسبوا انو الصيدلي تقتصر مهمته على بيع الأدوية بينما هو في الحقيقة دكتور لا يقل أهمية عن الطبيب
بس إن شاء الله يتحسن الوضع خلال السنوات الجاية