الله لايمسيكم ولا يصبحكــم إلا بالخير والعافيه
شبـآب أنا أمــوري الـى الآن متسنعـه والحمدللـه كل شي تمــآم
بس جـآ اللي كنـت خـآيف منه
جـآ اللي كنـت من الثـآنويه وانا ادعي أنه يكون اللي في بـآلي
هالحـين سمعـت من بعـض الأعضـآء هنا بالمنتـدى أن مناهج المواد باللغه الانقليزيه
انا مـآدري السالفه جد .. ولا بس ترويع للـكتاكيـت المستجدين زينـآ .. !
قسم اني كتكوت ماااااطيق الانقليزي .. وكل ماناظر فيه ابلع ريقي زي هذا >>>
يعنـي الرياضيات والفيزياء والاحياء ... بالحييييل فهمتها بالعربي ... اجل تبوني افهمها بالانقليزي ..!!
<< اتخيل احفظ تعريف كامل بالانقليزي .. هه هه هه
عز الله ماوصل القاعه الا وانا ناسيه .. !!!
جد اذا كانت السالفه فيها انقليزي اجل انا من هالحين متعثر ..
تكفـون طمنوووني .. لأني قلت اكيد فيه شي عربي ..
أهل السنه التحضيريه السنه اللي راحت
تكفــووون بشرونا كيف هي المناهج بالانقليزي .. سهله ولا صعبه .. !
يعني قدرت تحفظ تعاريف وشروط وقوانين بالانقليزي ولا شسالفه .. !
لاحد يقول الانقليزي لابد منه ومهم ومدري وشو
انا عارف .. وبشد حيلي
اما اني ادرس منهج الاحياء زي الثانوي باللغه الانقليزيه ... هذا شي حطوه جنب السبع المستحيلات
وماده الانقليزي لاباس بشد حيلي فيها لانها كلها قوانين تعلمك اللغه الانقليزيه مو تعاريف ..
شباب طمنوني سواء انا ولا غيري محروق قلبه ... ترا انا بس شفته من عضو بالمنتدى ومدري هو صادق ولا جايبها من كيسه
ويعطيكم الف الف عافيه