[مشمشانا]

المشاركة الأصلية كتبت بواسطة ~ran~ اهلين اختي مشمشانا حبيت اسألك ايش رايك انتي في خطه ب ؟؟ وايش افضل بالنسبه لك خطه أرنب والا خطه بطه ؟؟

اممممم شوفي انا افضل خطة ب لانك تخلصي الجزء الدسم في البداية
والترم الثاني تكوني مرتاحة اكثر لانو مواد خطة الف اخف من ب
في بنات يقولو نبدا بالخفيف احسن بس انا من راي انو الوحدة بالعادة
تبدا السنة بنشاط اكثر و عزيمة اكبر فلما تشوف نفسها خلصت اكبر جزء من المشوار
في البداية ترتاح الترم الثاني عكس الف لانهم الترم الثاني يدخلو على المواد
الدسمة كيميا و احيا واحصاء و هما قدهم اتهلكو من الترم الاول

على العموم المواد كلها في الاساس سهلة لانو كلو اخدتو بالثنوي
اللي يفرق بس اللغة دحين حتدرسي كل شي بالانجلش و تختبري بالانجليش
لازم تعملي اب ديت دايما وما تراااااااااااااااااااااااااكمي لانو دي كانت اكبر مشكلة عند البنات
تجي الاسبوع اللي قبل الاختبار تبغى تختم وتحفظ ودا جدا جدا صعب


اهم شي تبداي بنفسية حلوة و تحطي في بااااااااالك انك راح تجيبي معدل مرتفع حتى لو ما كان طموحك الطب
اهم شي المعدل لانو حيبقى معاكي اولا لين ما تتخرجي وثانيا طالما معدلك مرتفع معناتو
انك مخيرة بين كل الكليات عكس لو معدلك منخفض راح تكوني ملزمة ببعض الكليات
لا تسمعي لاي بنت تحبطك ولا تقول صعبة وتعجزية لانو لو هيا كدا ما كان احد جاب معدل ولا احد تخصص

لك ودي مشمشانا =)