بسم الله الرحمن الرحيم
السلام عليكم ورحمة الله وبركاته
سلامى لكل النيرسات
اليوم انا بعطيكم بعض من خبرتي
انا قسم تمريض اتخرجت السنه الي فاتت 2009 من جامعة الملك عبدالعزيز
قسم التمريض جدا رائع وكل سنه احلى من الثانية وحتنبسطو كتير
انا حاولت احول بعد سنه ثانية بس استخرت وحسيت اني مرتاحه في التمريض وشديت حيلي واتخرجت بممتاز مع مرتبة الشرف الاولى ماشاء الله عليا
من الكلية
وبالمناسبة التمريض لهم وظائف متوفرة في كل المستشفيات تقريبا
وهذي بعض التخصصات:
تمريض الباطنه
الجراحه ( في غرف العمليات او العمل في جناح الجراحه)
الطوارئ
العناية المركزه ( القلب , الاطفال, الخدج)
النساء والولاده ( قابلة او جناح النساء والولاده)
قسم الاورام ( اطفال او كبار)
غسيل الكلى
تمريض الاطفال
وفي اقسام كتيره....
حتبداؤ سنه ثانيه موادها شويه كتيره بس مره سهله وتعدي بسرعه والمستشفى مره حماااااس انا كنت في الحرس الوطني
بعدين سنه ثالثه تدخلو في التقيل المواد مكلكعه بس هادا اساس التمريض وانا كنت في مستشفى العسكري
اما سنه رابعه احلى سنه كانت موادها حلوه ومررره سهله
يا بنات ترى التمريض مرررره نايس وحلو ودراستو مو سهله مره
وإن شاء الله تحبوه زي ماانا حبيتو
ولعلمكم الدكتورة حسنه بنجر وكيلة كليتنا انسانه جدا رائعه وتحب تساعدكم وتسمعلكم وكل دكاترتنا ناس طيبين وحبوبين
الله يوفقكم ويوفقني ويسرلنا الخير اجمعين
قولو امين
والي عندها سؤال انا حاضره